Dómkirkjan í Hróarskeldu

Úr Wikipediu, frjálsa alfræðiritinu

Dómkirkjan í Hróarskeldu var reist úr rauðum múrsteini á ofanverðri 12. öld. Byggingin er samtvinnun á rómverskum stíl og gotneskum.

[breyta] Lýsing dómkirkjunnar

Dómkirkjan í Hróarskeldu er næstlengsta kirkja í Danmörku - kirkjuskipið er 84 m á lengd og upp í hvelfingar hennar eru 24 m, en turnspírurnar mun hærri. Innst í kirkjuskipinu er kórinn - aðskilinn frá útveggjum með súlnagöngum. Hann er tvískiptur, og nefnist fremri hlutinn kórsbræðra eða kanúkakórinn. Þar eru raðir af stólum með veggjum fram, 44 að tölu, og eru þeir kallaðir munkastólar. Yfir sætunum er Biblían útskorin í myndum, 22 á hvorum vegg, að sunnanverðu Gamla testamentið - á norðanveggnum það nýja. Undir gólfi dómkirkjunnar hafa fundist leifar af grunni eldri kirkju.

[breyta] Tenglar

• Gefið loft, gefið loft, gefið lífsanda loft; grein í Lesbók Morgunblaðsins 1967