வலைவாசல்:புவியியல்

தமிழ் | தமிழர் | பண்பாடு | கலை | சமயம் | வரலாறு | அறிவியல் | கணிதம் | புவியியல் | சமூகம் | தொழினுட்பம் | மக்கள்

தொகு   புவியியல் என்பது புவி, அங்குள்ள நிலம், பல்வேறு அம்சங்கள், அதிலுள்ள உயிர் வகைகள் மற்றும் தோற்றப்பாடுகள் என்பவற்றை விளக்கும் ஒரு துறையாகும். இச்சொல்லை நேரடியாக மொழி பெயர்க்கும்போது அது புவியைப்பற்றி விளக்குவது அல்லது எழுதுவது என்பதைக் குறிக்கும். புவியியல் ஆய்வில் வரலாற்று ரீதியாக நான்கு மரபுகள் காணப்படுகின்றன. 1) இயற்கை மற்றும் மனிதத் தோற்றப்பாடுகள் தொடர்பிலான இடம்சார் பகுப்பாய்வு, இது பரம்பல் அடிப்படையிலான புவியியல் ஆய்வு. 2) நிலப்பரப்பு ஆய்வு, இது இடங்களும், நிலப்பகுதிகளும் தொடர்பானது. 3) மனிதனுக்கும், நிலத்துக்குமான தொடர்பு பற்றிய ஆய்வு. 4) புவி அறிவியல்கள் தொடர்பான ஆய்வு. ஆனால், தற்காலப் புவியியல், எல்லாவற்றையும் ஒருங்கே தழுவிய ஒரு துறை. இது புவியையும் அதிலுள்ள எல்லா மனித மற்றும் இயற்கைச் சிக்கல்களையும் புரிந்துகொள்ள முயல்கிறது. எங்கெங்கே பொருள்கள் இருக்கின்றன என்பதை மட்டுமன்றி, அவை எவ்வாறு மாறுகின்றன, எப்படித் தற்போதைய நிலையை அடைந்தன என்பவற்றை அறிவது தற்காலப் புவியியலின் நோக்கமாகும். மனிதனுக்கும், இயற்பு அறிவியலுக்கும் இடையே உள்ள தொடர்பாக அமைவதால், புவியியல் துறையானது, மானிடப் புவியியல், இயற்கைப் புவியியல் என இரு பிரிவுகளாகப் பிரிக்கப்பட்டுள்ளது. தொகு   சிறப்புக் கட்டுரை மாலைத்தீவுகள் அல்லது மாலைத்தீவுகள் குடியரசு இந்தியப் பெருங்கடலில் உள்ள பல சிறிய தீவுகளாலான தீவு நாடாகும். இது இந்தியாவின் இலட்சத்தீவுகளுக்கு தெற்கேயும் இலங்கையிலிருந்து சுமார் 700 கிமீ தென்மேற்காகவும் அமைந்துள்ளது. 90,000 ச.கி.மீ பரப்பளவுள்ள இத்தீவின் மக்கள் தொகை 3 இலட்சத்து 13 ஆயிரத்து 920 ஆகும். மொத்தம் 26 பவளத்தீவுகளில் 1,192 தீவுகள் காணப்படுவதோடு இவற்றில் சுமார் 200 இல் மட்டும் மனித குடியேற்றங்கள் காணப்படுகிறன. தீவுகளால் அமைந்த மாலை போல் காணப்படுவதால் தமிழில் மாலைத்தீவுகள் என்றும் சமஸ்கிருத மொழியில் "மாலத்வீப"(தீவுகளின் மாலை)என்றும் குறிப்பிடப்படுகிறது. வேறு சிலரின் கருத்துப்படி இது "மகால்" என்ற அரபு மொழிச் சொல்லின் மரூஉ ஆகும். சோழர்கள் காலம் வரை அவர்களது ஆட்சியில் இருந்த இந்தத் தீவுகள் பின்னர் சிங்களர்கள் ஆட்சிக்குட்பட்டது. 1153இல் இசுலாம் மதம் இங்கு கொண்டுவரப்பட்டது. பின்னர் மாலைத்தீவுகள் 1558 இல் போர்த்துக்கேயரிடமும், 1654 டச்சுக் கிழக்கிந்தியக் கம்பனியிடமும் பின்பு 1887 முதல் பிரித்தானியரிடமும் அடிமைப்பட்டது. 1965ஆம் ஆண்டு மாலைத்தீவுகள் ஐக்கிய இராச்சியத்திடம் இருந்து விடுதலை பெற்றது. 1968 இல் சுல்தான் ஆட்சியில் இருந்து குடியரசாக மாறியது. தொகு   சிறப்புப் படம் சீயோன் தேசியப் பூங்காவில் ஏஞ்சல் லேண்டிங் என்னுமிடத்திலிருந்து பார்க்கும் போது தோன்றும் காட்சி சீயோன் தேசியப் பூங்கா தென்மேற்கு ஐக்கிய அமெரிக்காவின் யூட்டாவில் அமைந்துள்ள ஒரு தேசியப் பூங்காவாகும். செந்நிற நவஜோ என்றழைக்கப்படும் மணற்பாறையினால் ஆன 15 மைல் (24 கிலோமீட்டர்) நீளமானதும் அரை மைல் வரை (800 மீட்டர்) ஆழமும் கொண்ட சீயோன் பள்ளத்தாக்கு இத்தேசியப் பூங்காவின் முக்கிய கவர்ச்சியாகும். பல் வகை தட்பவெப்பநிலை, புவியியல் வலயங்களைக் கொண்டுள்ளமையால் இங்கே உயிரியற் பல்வகைமை செறிவாக உள்ளது. இங்கு பல வகையான நிலைத்திணைகளும், 289 வகையான பறவைகளும், 75 வகை பாலூட்டிகளும் (19 வகை வௌவால்கள் உட்பட), 32 வகை ஊர்வனவும் வாழ்கின்றன. தொகு   செய்திகளில் புவியியல் மே 21, 2013: ஓக்லகோமா சூறைப்புயலில் சிக்கி குறைந்தது 91 பேர் உயிரிழப்பு. மே 16, 2013: மகசென் சூறாவளி வங்காளதேசத்தின் தெற்குக் கரையைத் தாக்கியது. மே 7, 2013: பிலிப்பைன்சின் மயோன் எரிமலை வெடித்ததில் ஐந்து மலையேறிகள் உயிரிழப்பு. ஏப்ரல் 23, 2013: சீனாவின் யாங்சி ஆற்றின் வயது 23 மில்லியன் ஆண்டுகள் என அறிவியலாளர்கள் கண்டுள்ளனர். ஏப்ரல் 21, 2013: சீனா சிக்குவான் மாகாண நிலநடுக்கம்: உயிரிழப்புகள் 200 ஐத் தாண்டியது. ஏப்ரல் 20, 2013: ஆப்பிரிக்காவின் நமீப் பாலைவனத்தில் உள்ள 'விசித்திர வளையங்களுக்கு' கறையான்களே காரணம். தொகு   புவியியலாளர்கள்‎ பேர்டினண்ட் ஃபிறீஹெர் வொன் ரிச்தோஃபென் ஜெர்மன் நாட்டைச் சேர்ந்த ஒரு புவியியலாளரும், பயண ஆர்வலரும், அறிவியலாளரும் ஆவார். இவர் ஜெர்மனியில் கார்ல்ஸ்ரூஹே என்னுமிடத்தில் பிறந்தார். பெர்லின் நகரில் கல்வி கற்றார். 1860ஆம் ஆண்டில், யூலென்பர்க் பயணம் எனப்பட்ட பயணத்தில் சேர்ந்து, 1860க்கும், 1862க்கும் இடையில், இலங்கை, ஜப்பான், தாய்வான், செலெபெஸ், ஜாவா, பிலிப்பைன்ஸ், சீயாம், பர்மா ஆகிய நாடுகளுக்குச் சென்றார். 1862க்கும், 1868க்கும் இடையில், ஐக்கிய அமெரிக்காவில், கலிபோர்னியாவில் தங்க வயல்களைக் கண்டு பிடிக்கும் பணியில் நிலவியலாளராகப் பணி புரிந்தார். இதன் பின்னர் பல தடவை சீனா, ஜப்பான், ஜாவா, பர்மா முதலிய நாடுகளில் பயணம் செய்துள்ளார். இவர், புவியியல், நிலவியல், பொருளியல், இனவியல் தொடர்பான தனது ஆய்வுகளை, நிலப்படத் தொகுதியுடன் மூன்று தொகுதிகளாக வெளியிட்டுள்ளார். தொகு   உங்களுக்குத் தெரியுமா... ... எரிமலைக் கூம்பான அரராத் மலை துருக்கியில் உள்ள மிக உயரமான மலையாகும். ... சுராசிக் காலம் என்பது 20 கோடி ஆண்டுகளுக்கு முன்தொடங்கி 14.4 கோடி ஆண்டுகளுக்கு முன் வரையான தொன்மாகளின் (டைனாசோர்) வல்லாட்சிக் காலத்தை குறிக்கும். ... கொற்கை, புகார், எயிற்பட்டினம், நீர்ப்பெயற்று ஆகியவை சங்க இலக்கியங்களில் குறிப்பிடப்பட்டுள்ள நான்கு வங்கக்கடல் துறைமுகங்கள் ஆகும். ... நீரானது, நீராவியுடன் சேர்ந்து, குறிப்பிட்ட இடைவெளிகளில் கிளர்ந்தெழுந்து, மேல்நோக்கி மிகவும் வேகத்துடன் வெளியேற்றப்படும் வெந்நீரூற்றுகள் உலகில் ஆயிரத்திற்கும் அதிகமாக உள்ளன. இவற்றில் பாதிக்கு மேல் அமெரிக்கான் வயோமிங்கு என்னும் இடத்தில் உள்ள யெல்லோஸ்டோன் தேசியப் பூங்கால் இருக்கின்றன. ... புவியில் உள்ள நன்னீரில் கிட்டத்தட்ட 70 வீதமானது அண்டார்க்டிக்காவில் உறைபனி நிலையில் உள்ளது. தொகு   இதே மாதத்தில் மேலும் சில... தொகு   புவியியல் கண்டங்கள் அன்டார்க்டிக்கா ஆப்பிரிக்க-யூரேசியா அமெரிக்காக்கள் ஆத்திரேலியா (கண்டம்) ஆப்பிரிக்கா யூரேசியா வட அமெரிக்கா ஓசியானியா ஐரோப்பா ஆசியா தென் அமெரிக்கா அமாசியா கோண்டுவானா • இலெமூரியா • பாஞ்சியா தொகு   பகுப்புகள் புவியியல் குறுங்கோள்களின் புவியியல் நாடு வாரியாக புவியியல் புவியியல் தொடர்பான பட்டியல்கள் கண்டம் வாரியாகப் புவியியல் இடங்கள் இயற்கை அழிவுகள் ஊரியல் எரிமலைகள் கடற்கரைகள் கடற்கரைப் புவியியல் கண்டங்கள் கணவாய்கள் காலநிலை குகைகள் குடாக்கள் சமவெளிகள் சுற்றுலா சூழலியல் தமிழர் புவியியல் திசைகள் தீவுக்கூட்டங்கள் தீவுகள் துருவங்கள் புவியியல் தொழில்நுட்பம் நகரங்கள் நகரப் புவியியல் நாட்டின் துணைப்பிரிவுகள் நாடுகள் நில அமைப்புகள் நில அளவியல் நிலநேர்க்கோடுகள் நிலப்படங்கள் நிலப்படவரைவியல் நிலம்சூழ் நாடுகள் நிலவியல் நீர்நிலைகள் நீரியல் புவியியல் நூல்கள் பள்ளத்தாக்குகள் பனியாறுகள் பாதுகாக்கப்பட்ட பகுதிகள் பாலைவனங்கள் பீடபூமிகள் புவியியல் தொடர்பான குறுங்கட்டுரைகள் புவியியலாளர்கள் பெருங்கடல் ஆய்வியல் மலைகள் மாநிலங்கள் மூவலந்தீவுகள் வட்டாரங்கள் வடிநிலங்கள் வெந்நீரூற்றுகள் வெப்ப மண்டலங்கள் தொகு   நீங்களும் பங்களிக்கலாம் புவியியல் தொடர்பான கட்டுரைகளில் {{வலைவாசல்|புவியியல்}} வார்ப்புருவை இணைக்கலாம். புவியியல் தொடர்பான புதிய கட்டுரைகளை உருவாக்கலாம். புவியியல் தொடர்பான குறுங்கட்டுரைகளை மேம்படுத்தி உதவலாம். புவியியல் தொடர்பான படிமங்களை பதிவேற்றலாம். புவியியல் தேவைப்படும் கட்டுரைகள் பகுதியில் கோரப்பட்டுள்ள கட்டுரைகளை உருவாக்கலாம். தொகு   விக்கித்திட்டங்கள் தாய்த் திட்டம் விக்கித் திட்டம் புவியியல் துணைத் திட்டம் விக்கித் திட்டம் நாடுகள் பிற விக்கித்திட்டங்கள் தொகு   தொடர்பான தலைப்புகள் அறிவியல் இயற்பியல் உயிரியல் சமூக விஞ்ஞானம் பயன்பாட்டு அறிவியல் பல்துறைமை தொகு   தொடர்புடைய வலைவாசல்கள் தமிழ்நாடு அறிவியல் இந்தியா உயிரியல் சூழலியல் தமிழ்நாடு அறிவியல் இந்தியா உயிரியல் சூழலியல் தொகு   பிற விக்கிமீடிய திட்டங்கள் வலைவாசல் என்றால் என்ன? ·  · வலைவாசல்களை அமைப்பது எப்படி?