User:Capilla Delos Niños Innocentes

PANIMULA:

Antanda ng Santa Krus ipag-adya mo po kami sa lahat ng mga kaaway namin Sa ngalan ng Ama ng Anak at ng Espiritu Santo Amen.

PAGSISISI: Panginoon naming Jesukristo Diyos na totoo at Tao namang totoo, gumawa at sumakop sa amin, pinagsisihan naming masakit na masakit sa tanang loob namin, ang dilang pagkakasala namin sayo, ikaw nga po ang Diyos namin, Panginoon namin, at Ama namin na iniibig namin ng lalo sa lahat. Nagtitika akong matibay na matibay na di na mulng magkakasala sa iyo, at nagtitika naman akong ikukumpisal ang lahat ng kasalanan namin, umaasa kaming patatawarin mo rin alang-alang sa pagkamatay mo sa krus dahilan sa amin. Amen.

NAMUMUNO: Buksan mo po Panginoon naming Diyos, ang mga labi’t dila namin, papagningasin ang aming mga puso, pawiin ang mahalay at magulong panimdim, liwanagan ang aming bait. Gisingin mo ang aming loob nang magunam-gunam na taimtim sa puso, ang pinagdaanan mong hirap at pagkamatay sa krus, kalangkap ng kapait-paitang sakit na dinamdam ng giliw mong Inang Kabanal-banalan nang kami’y marapat na dinggin sa matingkalang kamahalan noong nabubuhay at naghahari magpasawalang hanggan. Amen.

DALIT PARA SA SUMAKABILANG-BUHAY (gamitin ang butil ng santo rosaryo)

(para sa malaking butil) NAMUMUNO: Hesus na Panginoon namin, iadya mo po kami sa lindol at iba pang masasama. Maawaing Hesus namin, lingapin ng mahabagin mong mata ang kaluluwa ni __________, namatay na binyagan na ipinaghirap mo at ikinamatay sa Krus SAGOT: Amen.

(para sa butil ng dekada) (1)NAMUMUNO: Hesus namin alang-alang sa masaganang dugo na ibinuhos mo sa halamanang pinanalanginan mo sa Amang Diyos SAGOT:Kaawaan at patawarin mo ang kaluluwa ni ______.

(2) NAMUMUNO: Hesus namin alang-alang sa tampal na tinanggap ng mukha mong kagalang-galang. SAGOT:Kaawaan at patawarin mo ang kaluluwa ni ______.

(3) NAMUMUNO: Hesus namin alang-alang sa mahigit na limang libong hampas na iyong tiniis. SAGOT:Kaawaan at patawarin mo ang kaluluwa ni ______.

(4) NaMUMUNO: Hesus namin alang-alang sa koronang tinik na ipinutong sa ulo mong kabanal-banalan. SAGOT:Kaawaan at patawarin mo ang kaluluwa ni ______.

(5) NAMUMUNO: Hesus namin alang-alang sa paglakad mo sa lansangang kapait-paitan habang pinapasan mo ang Santa Krus SAGOT:Kaawaan at patawarin mo ang kaluluwa ni ______.

(6) NAMUMUNO: Hesus namin alang-alang sa kabanal-banalan mong mukha na puno ng dugo at nalimbag sa birang ni Veronica SAGOT:Kaawaan at patawarin mo ang kaluluwa ni ______,

(7) NAMUMUNO: Hesus namin alang-alang sa tonica mong mahal na tigmak ng dugo at dinali-daling hinubad sa iyong katawan ng mga tampalasan. SAGOT:Kaawaan at patawarin mo ang kaluluwa ni ______. (8) NAMUMUNO: Hesus namin alang-alang sa kabanal-banalan mong katawan na ipinako sa Krus. SAGOT:Kaawaan at patawarin mo ang kaluluwa ni ______.

(9) NAmUMUNO: Hesus namin alang-alang sa kabanal-banalan mong paa’t kamay na pinakuan ng matitigas at matutulis na pako. SAGOT:Kaawaan at patawarin mo ang kaluluwa ni ______.

(10) NAMUMUNO: Hesus namin alang-alang sa tagiliran mong mahal na inulos ng sibat at binukalan ng dugo at tubig. SAGOT:Kaawaan at patawarin mo ang kaluluwa ni ______.

NAMUMUNO: Requiem Aeternam Donaeis Domini SAGOT: Et Lux Perpetua Luce Ateis, NAMUMUNO: Requiescant in Pace SAGOT: Amen

NAMUMUNO: Katamis-tamisan kong Hesus, sa pagtubos mo sa sangkatauhan, iniibig mong ipanganak. Nang may ika-walong araw nabuhos ang unang patak ng dugo mong mahal sa pagsunod sa utos ni Moises, inari kang hamak ng mga Hudio, ipinagkanulo ka ni Hudas sa mga lilo, halik ng palatandaan, ginapos ka at dinala sa kamatayan na parang maamong kordero, pinaghatid-hatiran ka sa apat na hukuman, kay Annas, Kay Caiphas, kay Pilato at kay Herodes. Hinubdan ka’t binintangan, isinumbong ka ng ilang mga bulaang saksi, tinampal, pinarmurahan, hinampas na walang bilang, pinutungan ka ng tinik, pinalo ng kawayan, inaglahi ka’t tinakpan ng panyong pula, hinalay ka’t hinubaran sa harap ng sambayanan, ipinako ka saka ibinangon sa Krus na pinagpakuan sa iyo, ipinaris ka’t ipinagitna sa dalawang magnanakaw pinainom ng suka’t apdong mapait, inulos ng sibat ang tagiliran mong mahal na binukalan ng dugo at tubig. Hanguin mo na po, Panginoon naming Diyos ang kaluluwa ni ___________, sa kinalalagyang hirap, alang-alang at pakundangan sa sakit na dinalita niya sa pagsinta sa amin, at siya naman ay timawain mo sa dusang walang hanggan sa impiyerno alang-alang at pakundangan sa karapatan ng iyong mahal na pasyon at pagkamatay sa krus, nang siya ay marapat na maka-pasok sa maluwalhating bayan na pinaglagyan mo sa mapalad na magnanakaw na ipinaris at isinama sa iyo, Poong Diyos na nakikibuhay at nakikipaghari magpasawalang hanggan Amen.

LAHAT:Aba, anak ng Diyos Ama Aba, ina ng Diyos Anak Aba Esposa ng Diyos Espiritu Santo Aba simbahang pinamamahayan ng Santissima Trinidad Aba, kabanal-banalang Birheng di nag mana ng kasalangang orihinal.

NAMUMUNO: Ama namin, sumasalangit Ka, Sambahin ang ngalan Mo. Mapasaamin ang kaharian Mo, Sundin ang loob Mo Dito sa lupa para nang sa Langit. SAGOT: Bigyan Mo kami ngayon ng aming kakanin sa araw-araw At patawarin Mo kami sa aming mga sala Para nang pagpapatawad namin sa mga nagkakasala sa amin. At huwag Mo kaming ipahintulot sa tukso At iadya Mo kami sa lahat ng masama. Amen.

NAMUMUNO: Aba Ginoong Maria, napupuno ka ng grasya, ang Panginoong Diyos ay sumasaiyo, bukod kang pinagpala sa babaeng lahat at pinagpala naman ang iyong Anak na si Hesus. SAGOT: Santa Maria, Ina ng Diyos, ipanalangin mo kaming makasalanan, ngayon at kung kami y mamamatay. Amen.

NAMUMUNO: Requiem Aeternam Donaeis Domini SAGOT: Et Lux Perpetua Luce Ateis, NAMUMUNO: Requiescant in Pace SAGOT: Amen

LITANYA NG MGA SANTO Kyrie Eleison Kyrie Eleison Christhe Eleison Christhe Eleison Kyrie Eleison Kyrie Eleison Christhe Eleison Christhe Eleison Kristo, Pakinggan mo siya, Kristo, Pakapakinggan mo siya Diyos, Ama sa langit Maawa ka sa kanya Diyos,Anak na tumubos sa sanglibutan Maawa ka sa kanya Diyos Espiritu Santo Maawa ka sa kanya Santa Trinidad na tatlong persona ngunit iisang Diyos Maawa ka sa kanya Santa Maria, Ipanalangin mo Siya Santang ina ng Diyos Ipanalangin mo Siya Santang Birhen ng mga birhen Ipanalangin mo Siya San Miguel, Ipanalangin mo Siya San Rafael, Ipanalangin mo Siya San Gabriel, Ipanalangin mo Siya Lahat ng mga banal na Angel at Arkanghel, Ipanalangin ninyo Siya Lahat ng mga banal na koro ng mga mapalad na Espiritu, Ipanalangin ninyo Siya San Juan Bautista, Ipanalangin mo Siya San Jose, Ipanalangin mo Siya Lahat ng mga banal na Patriarka at Propeta, Ipanalangin ninyo Siya San Pedro, Ipanalangin mo Siya San Pablo, Ipanalangin mo Siya San Mateo, Ipanalangin mo Siya San Marcos, Ipanalangin mo Siya San Andres, Ipanalangin mo Siya San Juan, Ipanalangin mo Siya Lahat ng mga banal na Apostol at Ebanghelista, Ipanalangin ninyo Siya Lahat ng mga banal na Disipulo ng Panginoon, Ipanalangin ninyo Siya San Esteban Ipanalangin mo Siya San Lorenzo Ruiz, Ipanalangin mo Siya San Vicente, Ipanalangin mo Siya San Pedro Calungsod, Ipanalangin mo Siya Lahat nga mga banal na martir, Ipanalangin ninyo Siya San Silvestre, Ipanalangin mo Siya San Gregorio, Ipanalangin mo Siya San Agustin, Ipanalangin mo Siya San Roque, Ipanalangin mo Siya Lahat ng mga banal na pontipise at kompesor, Ipanalangin ninyo Siya Lahat ng mga banal na Doktor, Ipanalangin ninyo Siya San Antonio, Ipanalangin mo Siya Santo Benedicto, Ipanalangin mo Siya Santo Domingo, Ipanalangin mo Siya San Francisco, Ipanalangin mo Siya Beato Juan Pablo II, Ipanalangin mo Siya Lahat ng mga banal na Saserdote at Levita, Ipanalangin ninyo Siya Lahat ng mga banal na Monghe at Ermitanyo, Ipanalangin ninyo Siya Santa Maria Magdalena, Ipanalangin mo Siya Santa Cecilia, Ipanalangin mo Siya Santa Anastacia, Ipanalangin mo Siya Santa Clara, Ipanalangin mo Siya Santa Teresita, Ipanalangin mo Siya Santa Monica, Ipanalangin mo Siya Santa Rita ng Cascia, Ipanalangin mo Siya Santa Margarita Maria ng Alacoque, Ipanalangin mo Siya Santa Lucia, Ipanalangin mo Siya Lahat ng mga banal na Birhen at Balo Ipanalangin ninyo Siya Lahat ng mga Santo at Santa ng Diyos Ipanalangin ninyo Siya

NAMUMUNO: Kordero ng Diyos na nagaalis ng mga kasalanan ng sanglibutan, SAGOT: Patawarin mo siya Panginoon namin. NAMUMUNO: Kordero ng Diyos na nagaalis ng mga kasalanan ng sandaigdigan, SAGOT: Pakapakinggan mo siya Panginoon namin. NAMUMUNO: Kordero ng Diyos na nagaalis ng mga kasalanan ng santinakpang langit, SAGOT: Maawa ka sa kaniya Panginoon namin.

NAMUMUNO: Sa ilalim ng iyong pagtatangkilik, kami;y kumakanlong sa iyo, santang ina ng Diyos. Sa tuwina kami’y dumadalangin lalo na kung siya’y napanganganyaya, iyong ipagadya, o maluwalhati at mapalad na birheng walang pagmamaliw -Ipanalangin mo kami o santang ina ng Diyos SAGOT: Nang kami’y maging dapat makinabang sa mga pangako ni Kristo, Amen. Namumuno: Panginoon naming Diyos kalingain mo’t dinggin ang aming mga dalangin Sagot: Dumating nawa sa iyong tainga ang kanyang daing. Namumuno: Aming Ipinagtatagubilin sa iyo, Panginoon naming Diyos, ang kaluluwa ni__________, sapagkat siya’y namatay dito sa ibabaw ng lupa. Ipagpatawad mo na po ng awa mong walang hanggan, ang mga nagawa niyang kasalanan, ay marapat nawang mabuhay sa iyo magparating man saan Amen.

LAHAT: Aba Po Santa Mariang Hari, Ina ng Awa. Ikaw ang kabuhayan at katamisan; Aba pinananaligan ka namin. Ikaw nga ang tinatawagan namin, pinapanaw na taong anak ni Eva. Ikaw rin ang pinagbunbuntuhang hininga namin ng aming pagtangis dini sa lupang bayang kahapis-hapis. Ay aba, pintakasi ka namin, ilingon mo sa amin, ipakita mo sa amin ang iyong Anak na si Hesus. Santa Maria, Ina ng Diyos, maawain, maalam at matamis na Birhen. NAMUMUNO: Ipanalangin mo kami, O Santa Mariang ina ng Diyos SAGOT: Nang kami'y maging dapat makinabang ng mga pangako ni Hesukristo. Amen.

NAMUMUNO: Birheng Kalinis-linisan Hindi pa nanganganak, Aba Ginoong Maria! Napupuno ka ng grasya, Ang Panginoong Diyos ay sumasaiyo, bukod ka pong Pinagpala sa babaeng lahat at pinagpala naman ang iyong anak na si Hesus. SAGOT: Santa Maria Ina ng Diyos, ipanalangin mo po kaming makasalanan, ngayon at kung kami'y mamamatay. Amen.

NAMUMUNO: Birheng Kalinis-linisan sa panganganak, Aba Ginoong Maria! Napupuno ka ng grasya, Ang Panginoong Diyos ay sumasaiyo, bukod ka pong Pinagpala sa babaeng lahat at pinagpala naman ang iyong anak na si Hesus. SAGOT: Santa Maria Ina ng Diyos, ipanalangin mo po kaming makasalanan, ngayon at kung kami'y mamamatay. Amen.

NAMUMUNO: Birheng Kalinis-linisan nakapanganak na, Aba Ginoong Maria! Napupuno ka ng grasya, Ang Panginoong Diyos ay sumasaiyo, bukod ka pong Pinagpala sa babaeng lahat at pinagpala naman ang iyong anak na si Hesus. SAGOT: Santa Maria Ina ng Diyos, ipanalangin mo po kaming makasalanan, ngayon at kung kami'y mamamatay. Amen.

NAMUMUNO: Requiem Aeternam Donaeis Domini SAGOT: Et Lux Perpetua Luce Ateis, NAMUMUNO: Requiescant in Pace SAGOT: Amen

LAHAT: Sumasampalataya ako sa Diyos Amang makapanyayari sa lahat, na may gawa ng langit at lupa. Sumasampalataya naman ako kay Hesukristo, iisang Anak ng Diyos, Panginoon nating lahat. Nagkatawang-tao Siya lalang ng Espiritu Santo; ipinanganak ni Santa Mariang Birhen. Pinagpakasakit ni Ponsio Pilato; ipinako sa krus, namatay at ibinaon. Nanaog sa mga impiyerno; nang may ikatlong araw nabuhay na mag-uli. Umakyat sa langit; naluluklok sa kanan ng Diyos Amang makapangyayari sa lahat. Doon magmumula't pariritong huhukom sa nangabubuhay at nangamatay na tao. Sumasampalataya naman ako sa Diyos Espiritu Santo, na may Santa Iglesya Katolika; may kamsamahan ng mga Santo, may ikawawala ng mga kasalanan; at mabubuhay na mag uli ang nangamatay na tao, at may buhay na walang hanggan. Amen.

NAMUMUNO: Birhen, ito ang aming hain, di man dapat ay tanggapin, at ang kaluluwa namin, kaawaan mo’t ampunin. Sa kamatayang darating sa wakas ng buhay namin kami’y ipagamo-amo mo rin kay Hesus anak mong giliw, upang kami’y patawarin sa lahat ng kasalanan namin. Birhen kami’y lingunin mo na tumatawag sa iyo naghahain di man totoo ng aming santo Rosaryo. Kalinis-linisan Birheng Maria, alang-alang sa pagkabirhen mo at sa mahal na kalinis-linisang paglilihi sa iyo, linisin mo po at ipag-adya ang katawan at kaluluwa namin Sa Pangalan ng Ama, Anak, at Espiritu Santo Amen.

LAHAT: Santos Dios Santos Muertes, Santos Mortales Mesere Novis(3Ulit)

BENDITO: Bendito alavado Sia el Santissimo Sacrament Del Altar dela Limpia Inmaculda Concepcion Nuestra Señora dela virgen Maria Madre De Dios Señora Nuestra Consivida se mancha sin pecado Original del Primer Estan de Ciser Natural Por Siempre Amas, Amen, Jesus,

NAMUMUNO: Bendito alavado Bendito alavado Bendito alavado SAGOT: Por Siempre Alavado Bendito

NAMUMUNO: O maawaing Hesus, totoong nag-aalab sa pagsinta sa mga kaluluwa, alang-alang sa hapis ng kamahal-mahalang puso mo, nang naghihingalo ka sa krus sa kasakitan ng kalinis-linisan mong Ina, iniaamo ko po sa inyo na hugasan ng mahal mong Dugo, ang lahat ng naghihingalo at papanaw sa araw na ito. Amen

Katamis-tamisang puso ni Hesus, nang naghihingalo ka sa Krus, nasakop mo kami, kaawaan at patawarin mo ang lahat ng kasalanan ng naghihingalo at papanaw sa araw na ito Amen.

NAMUMUNO: Ave Maria Purissima SAGOT: Sin Pecado Consivida NAMUMUNO: Ave Maria Purissima SAGOT: Sin Pecado Consivida NAMUMUNO: Ave Maria Purissima SAGOT: Sin Pecado ConsividaBold text--Capilla Delos Niños Innocentes (talk) 04:12, 5 March 2013 (UTC)