Ալեքսանդր Պլյուշչև
Ալեքսանդր Պլյուշչև ռուս.՝ Александр Владимирович Плющев | |
---|---|
Ծնվել է | սեպտեմբերի 16, 1972 (51 տարեկան) |
Ծննդավայր | Մոսկվա, ԽՍՀՄ |
Քաղաքացիություն | Ռուսաստան |
Մայրենի լեզու | ռուսերեն |
Կրթություն | Ռուսաստանի Դ. Մենդելեևի քիմիատեխնոլոգիական ինստիտուտ (1994) |
Մասնագիտություն | լրագրող, հաղորդավար, դերասան, ռադիոհաղորդավար, հեռուստահաղորդավար և յություբեր |
Աշխատավայր | Մոսկվայի արձագանքը |
Կայք | plushev.com |
Aleksandr Plyushchev Վիքիպահեստում |
Ալեքսանդր Վլադիմիրովիչ Պլյուշչև (սեպտեմբերի 16, 1972, Մոսկվա, ԽՍՀՄ), ռուս լրագրող, բլոգեր, հեռուստառադիոհաղորդավար, երկրորդ պլանի դերասան[1][2]։
Կենսագրություն[խմբագրել | խմբագրել կոդը]
1979-1989 թվականներին սովորել է Թայմիրսկայա փողոցում գտնվող թիվ 751 դպրոցում։ Ընդունվել է Մոսկվայի քիմիական տեխնոլոգիաների ինստիտուտի սիլիկատների քիմիական տեխնոլոգիայի ֆակուլտետ[3][4]։
Համալսարանում սովորելիս աշխատել է «Մենդելևեց» համալսարանական թերթում և ղեկավարել երիտասարդական խմբագրությունը[5]։ 1994 թվականի փետրվարից «Էխո Մոսկվի» ռադիոկայանի նորությունների հաղորդավարն էր, որտեղ հայտնվել է Մոսկվայի քիմիատեխնոլոգիական ինստիտուտի ուսանող և «Էխո Մոսկվի»-ի խորհրդարանական թղթակից Դմիտրի Պինսկերի խորհրդով, ում Պլյուշչևը հանդիպել է Մենդելևեց խմբագրատանը[6]։ Պիտեր Մարչենկոյի շնորհիվ 1997-1999 թվականներին աշխատել է որպես NTV հեռուստատեսության առավոտյան նորությունների գլխավոր խմբագիր[1]։
1998 թվականի մարտի 30-ից «Էխո Մոսկվի» ռադիոկայանում Պլյուշչևը սկսել է վարել համացանցին նվիրված իր «ԷխոՆեթ» ծրագիրը։ Սկզբում ծրագիր է վարել Գլեբ Եգորովիչ Սեթկինի հետ։ «ԷխոՆեթ»-ը Պոպովի անվան ազգային մրցանակի դափնեկիր է 1999 թվականին հեռարձակման ոլորտում «Լավագույն հատուկ ծրագիր» անվանակարգում և «Ազգային ինտերնետ մրցանակի» դափնեկիր՝ «Ինտերնետն ավանդական լրատվամիջոցներում» անվանակարգում[7]։
2001 թվականի հոկտեմբերից Դմիտրի Բորիսովի հետ հյուրընկալվել էր վեց ժամ տևողությամբ «Սերեբրո» երաժշտական գիշերային հաղորդմանը։ Բորիսովի հեռանալուց հետո, նախքան 2008 թվականի սկիզբը հաղորդումը վարում էր մենակ կամ Լարիսա Յասնոգորոդսկայի հետ[8][9]։
2001 թվականի նոյեմբերի 16-ին գրանցվել է echonet.ru տիրույթում[10]։
Մինչև 2003 թվականն աշխատել է որպես «Աքսել Շպրինգեր Ռաշա»-ի գլխավոր խմբագրի տեղակալ։ 2003 թվականին եղել է Lenta.ru առցանց հրատարակության գլխավոր խմբագիր։ 2006-2011 թվականներին «Ռոսիա 24» հեռուստաալիքով վարել է «Վեստի.net» հաղորդումը։ 2003-2004 թվականներին «Ռուսական Newsweek» ամսագրի գլխավոր խմբագրի տեղակալն էր[11]։
2006 թվականի ապրիլի 17-ին ստեղծել է plushev.com կայքը։
2007, 2011 և 2012 թվականներին եղել է The BOBs բլոգի միջազգային մրցույթի ժյուրիի անդամ[12][13]։
Ընտանիք[խմբագրել | խմբագրել կոդը]
Կինը՝ Վալերիա Պլյուշչևան «Առաջին ալիք» հեռուստաալիքի տեղեկատվական ծրագրերի պրոդյուսերն է։ Ունեն դուստր՝ Վարվառան (ծնվ. հոկտեմբերի 4, 1999 թվական)[2]։
Պլյուշչևը և Վիքիպեդիան[խմբագրել | խմբագրել կոդը]
Պարբերաբար վարում է «Վիքի-մրցանակներ»-ի տրամադրման արարողությունը։
Վիքիմեդիա ՌՈՒ հանրագիտարանային գիտելիքների տարածումը խթանող ոչ առևտրային գործընկերության գործադիր տնօրեն Ս. Ա. Կոզլովսկու և Վիքիպեդիայի ռուսաստանյան բյուրոկրատ Վ. Ա. Սոլովյովի հետ զրույցում Պյուշչևը նշել է, որ ստուգում է հոդվածները ոչ թե տեսնելու՝ ինչ է այնտեղ փոխվել, այլ որ այն ունի քննարկման էջ, որտեղ երբեմն քննարկումները շատ զվարճալի են։
Մրցանակներ[խմբագրել | խմբագրել կոդը]
- 1999 — Պոպովի ազգային մրցանակ («Լավագույն հատուկ ծրագիր»)
- 2001 — ազգային ինտերնետային մրցանակ
- 2001 թվականի հունիսի 5-ին անվանվել է լավագույն առցանց լրագրող՝ «Russian Online Top» մրցույթի արդյունքների հիման վրա
- 2001 — «Տարվա լրագրող»
- 2002 — «Տարվա լրագրող» երկրորդ տեղ
- 2003 — «Տարվա լրագրող»
- 2004 — «Հաղորդակցման տեխնոլոգիաները հետխորհրդային տարածքում. գաղափարից մինչև իրագործում» հոդվածի մրցույթի հաղթողп
- 2005 — «Բարձր տեխնոլոգիաներ. Ծագում, մեր օրեր, հեռանկարներ» հոդվածների համառուսաստանյան մրցույթի դափնեկիր»
Ֆիլմագրություն[խմբագրել | խմբագրել կոդը]
Տարի | Անվանում | Դեր | |
---|---|---|---|
2011 | ֆ | Բեկորեր | Դոնդուրեյ |
2012 | մֆ | Հոթանյան գորգի հեքիաթը | հնչյունավորում |
2016 | մս | Խոզուկը | հնչյունավորում |
2018 | ֆ | Սևագրություն | Պյոտր Նիկոլաևիչ |
2019 | մս | Պրոստոկվաշինո | փիղ |
Ծանոթագրություններ[խմբագրել | խմբագրել կոդը]
- ↑ 1,0 1,1 Бунтман С. (2000 թ․ հունվարի 15). «Стенограмма выпуска передачи «Сотрудники»». «Эхо Москвы».
- ↑ 2,0 2,1 «Александр Плющев». «Эхо Москвы».
- ↑ «ФРИ: Александр Плющев». Союз «ЕЖЕ».
- ↑ Стародубов Ю. Школа №751 на Таймырской отмечает юбилей // Наша Лосинка : газета. — М.: ООО «Районная редакция», 2014. — № 11 (147). — С. 8. Архивировано из первоисточника 15 Հոկտեմբերի 2018.
- ↑ Российский химико-технологический университет им. Д. И. Менделеева — прошлое и настоящее со взглядом в будущее / П. Д. Саркисов, Л. М. Сулименко. — М.: РХТУ им. Д. И. Менделеева, 2002. — С. 445. — 552 с. — ISBN 5-8122-0302-4
- ↑ Иванов Д. (2003 թ․ մայիսի 6). «Александр Плющев: «Я абсолютно не разбирался в предмете, но на „Эхе" такой подход считается нормальным»». «Русский журнал».
- ↑ Александр Плющев (2009 թ․ հոկտեմբերի 30). «Сайт дня: Музыка в клеточку». «Ведомости».
- ↑ Лауреаты 2001 года
- ↑ Впоследствии переименована в «Аргентум»
- ↑ Whois Service
- ↑ Александр Плющев (2006 թ․ մայիսի 7). «Объявление». plushev.com. Արխիվացված է օրիգինալից 2009 թ․ հունվարի 6-ին.
- ↑ «О Премии Александра Плющева». Արխիվացված է օրիգինալից 2009 թ․ հոկտեմբերի 29-ին. Վերցված է 2010 թ․ դեկտեմբերի 8-ին.
- ↑ «Премию Рунета-2010 прославили в рэпе». Արխիվացված է օրիգինալից 2018 թ․ հոկտեմբերի 8-ին. Վերցված է 2020 թ․ մարտի 7-ին.
Մատենագրություն[խմբագրել | խմբագրել կոդը]
- Плющев А. В. Полный Плющев. Интернет на каждый день. — М.—СПб.: Коммерсантъ, Питер, 2007. — 416 с. — ISBN 978-5-91180-615-6
Արտաքին հղումներ[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ալեքսանդր Պլյուշչև» հոդվածին։ |
|