Brobargen

Uut Wikipedia, de vrye encyklopedy
Waopen van Brobargen
Et Roelaand-staandbeeld van Brobargen
De veerdienst uut Brobargen

Brobargen (Duuts: Brobergen) is een dörp an de revier de Oste in et distrikt Stade. Et dörp beheurt diels tot de gemiente Kraeneburg en de samtgemeinde Ooldendörp.

Brobargen leit rechts van de revier de Oste, mar een diel van et laand mit de "binnerplaetsen" leit links van de Oste.

Geografie[bewark | bronkode bewarken]

Brobargen leit an de raand van een moeras an de Oste, de Mehe lopt hier van links in de Oste over. De Oste bie Brobargen is een getiederevier en leit op zeenivo. t Dörp zels leit zo'n drie meter boven zeenivo an de raand van een geestgrond. Naor Ooldendörp toe stiegt de geestgrond tot zo'n 17,5 meter boven zeenivo.

Deur Brobargen lopt de Duutse Veerstraote.

Buurdörpen bin: Kraeneburg in et noorden, Ooldendörp in et oosten, Esdörp in et zuudoosten, Gruppel in et zuudwesten, Oostendörp in et distrikt Rodenburg in et oosten en Nindörp in et distrikt Cuxhaven in et noordwesten.

Geschiedenis[bewark | bronkode bewarken]

In de oorkonden komt Brobargen in 1286 veur et eerst veur, as Brocberge. De naeme stamt of van een oolde naeme veur de bargen in de broek. Dat betekent: de zaandbulten in et moeras van de Oste. De oolde naeme brocberge betekende in die tied et hiele stok langes de Oste van Gröpel tot Burweg.

In een akte van 1525 ston dat d'r in Brobargen een Roelaand-staandbiel staon het. In disse treditie is der in 2007 weer een ni'j Roelaand-staandbeeld neerzet.

Sund de gemientelike herindieling van 1972 maekt de gemiente Brobargen diel uut van de gemiente Kraeneburg.

Religion[bewark | bronkode bewarken]

Brobargen is veurnaemelik evangelisch-luthers en heurt bie de karke in Ooldendörp. Et dörp het een eigen karkhof mit een karkhofkapel.

Inwonertal[bewark | bronkode bewarken]

In 1766 had Brobargen 17 woeningen. Kort nao de Tweede Wereldoorloog is et inwonertal deur verdrevene uut et Duutse oosten tot zo'n 330 meensken stegen. In de jaoren daornao is et inwonertal weer naor beneden gaon.

Jaor 1871 1885 1905 1925 1939 1946 1956 1963 1971 2003 2008
Inwoners 235 224 271 255 245 328 256 271 232 226 216

Waopen[bewark | bronkode bewarken]

Et waopen van Brobargen is an de linkerkaante rood, rechts zulver en wodt scheiden deur een spleten waopen. De gemiente Brobargen bruukten et waopen sund 31 meert 1948 as opvolger van et adelik geslaacht van Brobargen. Naodat Brobargen bie de gemiente Kraeneburg voegd wodde, is et Brobarger waopen sund 1983 ok links onderin et waopen van de gemiente te zien.

Literetuur[bewark | bronkode bewarken]

  • Friedrich Holst: Roland und die Kraniche, Die Geschichte der Ostedörfer Kranenburg und Brobergen. 1983
  • Lühmann und Bohmbach: Die Geest und Buxtehude, Urgeschichtsland zwischen Urstromtälern. 1984
  • Chronik der Dörfer Brobergen und Kranenburg. uutgeven deur de Volksbaank Ooldendörp, 2005


Wikimedia Commons Commons: Brobargen - plaatjes, filmkes en/of gelüüdsbestanden.