انھوں نے تونگجی میڈیکل کالج سے 1997ء میں گریجویشن کیا اور ووہان سینٹرل ہاسپٹل میں شعبہ کارڈیووسکولر میڈیسن میں کام کیا۔ 2010ء میں وہ اسی ہاسپٹل میں ایمرجنسی شعبہ کی ڈائریکٹر بن گئی۔[2]
18 دسمبر 2019ء کو آئی کورونا کے پہلے مریض سے ملی جس کے پھیپھڑے میں کئی سارے نشانات تھے۔ وہ ہوانان سی فوڈ ہول سیل مارکیٹ کا ڈیلیوری بوائے تھا۔ 27 دسمبر کو دوسرا مریض ان کے پاس آیا لیکن یہ دوسرا مریض پہلے مریض سے کسی طرح سے رابطہ میں نہیں آیا تھا۔ 30 دسمبر کو دوسرا مریض ٹیسٹ میں کورونا کا مثبت پایا گیا۔ آئی نے جیسے ہی رپورٹ میں سارس دیکھا وہ چونک گئی اور انھوں نے فوراً ہسپتال کے عوامی ہیلتھ ڈپارٹمنٹ کو مطلع کیا۔ انھوں نے لفظ سارس (SARS) کو نشان زد کیا اور ووہان میں ایک دوسرے ہسپتال کے ڈاکٹر کو بھیجا۔ یہ کورونا کا پہلا معاملہ تھا اور وہیں سے پورے ووہان میں پھیلنا شروع ہو گیا۔ یہیں سے لی کو اس کی خبر لگی۔[1] اسی دن دوپہر کو ایک طالبعلم نے وی چیٹ کے ایک گروپ میں اس رپورٹ کو ارسال کیا اور وسل بلاور لی وینلیناگ کے علم میں یہ بات آئی اور اس کا بڑے پیمانے پر رد عمل سامنے آیا۔[3]
1 جنوری 2020ء کو آئی نے پھر سے نئے مریضوں کے آنے کی خبر دی۔ یہ سارے مریض سی فوڈ مارکیٹ نے نزدیکی کلینیک میں بھرتی ہوئے تھے۔ انھوں نے عوامی ڈپارٹمنٹ کو مطلع کیا تاکہ لوگ متنبہ ہو جائیں۔
10 مارچ 2020ء کو چین کی پپلز میگزین نے آئی کا انٹرویو لیا اور اپنے مارچ کے شمارہ میں “دی وسل گوور“ (发哨子的人) کی سرخی لگا کر ان کے انٹرویو کو شائع کیا۔ حالانکہ اسی دن جبرا اس خبر کو ویب گاہ سے 3 گھنٹو کے اندر ہٹوا لیا گیا۔[4][5]
عوامی جمہوریہ چین 
.svg){kind=small}
