Bossele (durp)
Bossele (Nederlands: Borssele) is 'n durp in de gemeênte Bossele. In 2023 ao 't 1.485 inweuners. Dit durpje is ellemele viekant. 't Ligt middenin de polder. A je een menuutje of vuuve fietst dan kom je bie den diek. Di lig een prachtig stukje strange. Ier kanj oltied zwemmen in de Schelde. Tot 1970 was 't durp Bossele een aparte hemeênte.
't Durp valt zoas gezeid op deu z'n strakke opbouw: 'n rechtoekig plein mee daervanuut vier straeten, eên naer elke windrichtienge, die-an weêr uutkommen op vier singels, saemen oôk 'n rechtoek. Allebei de rechtoeken bin opgebouwd volges de gouwe sneê. Voral 't pleintje middenin eit nog vee munumentaole, fraoie uzen en gebouwen.
Bie Bossele staen tweê energiecentraoles, eên thermische en eên kerncentraole. Butendien staet 'r nog 'n opslagplaese vo radioactief afval.
Vee inweuners van Bossele bin lid van de Grifformeerde Gemeênte. Bie de Twidde Kaemerverkieziengen van 2012 stemde naebie 50% op de SGP.
D'n dichter Hans Warren is in Bossele gebore. In de 17e eêuwe was Bernardus Smytegelt ier dômenee, van 1948 tot 1951 Frans Dieleman.
Zie ok[bewerk | brontekst bewerken]
Lienks nae buten[bewerk | brontekst bewerken]
| Gemeênte Bossele |  |
|---|---|
|
Durpen: Baerland · Bossele · Driewehen · 'Eintjeszand · Ellesdiek · Kwedamme · 't Lewedurp · 't Nieuwedurp · Oedjeskerke · Ouwelande · Ovezande · Schrabbekerke · Schraevenpolder · Serenoek · Ternisse |