User:Marvielyn

''''SINO ANG MAS MATIBANG NA ANAK... BABAE O LALAKI?'''' (balagtasan) Lakandiwa Ang aming itatanghal isang natatanging balagtasan, Kaya mga panauhin tumikhim at pakinggan Mga bantog na makata magtatagis, maglalaban Ang paksang lilinawin ay kung sino nga ba ang mas matimbang Ang mga kabaro ba ni Eba o ni Adan?

Ayon sa teoryang paglalang, Si Eba ay nagmula sa tadyang ni Adan Siya ang pumuno ng kanyang kalungkutan, Kaya sila’y kapwa matimbang

Si ________ panig ng kalalakihan Ilalahad ang magagandang ugali ng kanilang angkan, Si ________ ipagtatanggol ang kababaihan Ang mga prinsipyo, layon at kanilang katauhan.

Mga kilalang makata na lubos na pinagpala Iparinig na sa madla ang laman ng isipan, Ako namang lakandiwa’y makikinig ng marahan Uupo ng maganda at pipiliting balagtasan ay maitanghal na.

Mga minamahal na makata yamang kayo’y narito na Uumpisahan na ang palitan ng mga salita Kayong mga tagapakinig pakinggan ng mabuti Umpisahan na ang balagtasan.. palakpakan sila ng buong giliw.

Lalaki : Panauhing nakikinig, may ngiti sa labi Akong kabaro ni Adan, sa inyo’y bumabati Nais kong pagwagian, itong aking lahi Ilalahad ang nais at magandang ugali

Ang pagpapakilala sa inyo na’y sisimulan __________, ito’y aking pangalan Itong natatanging balagtasan aking gaganahan Naritong mga nakikinig ako sana’y samahan.

Babae : Isang hamak na dalaga ang nasa harapan ninto ngayon Upang ipagtanggol ang mga prinsipyo namin at layon Ngunit bago ang lahat, sa inyo mga kanayon Nais kong bumati g magandang hapon.

Itong aking katunggali, lalaki mang naturingan Ay buong tapang na humamon sa aking kayauhan, Maliit man at marupok sa mata ng kalalakihan Sinisiguro kong hinding-hindi kita uurungan.

Lalaki : Si Adan ang Nagpasimula nitong aming angkan Siya ang natatanging taong kauna-unahan Hindi ba’t si Eba nagmula sa tadyang ni Adan Hoy nakatitik, basahin sa listahan

Kahit sa lipi ni malakas Kalalakihan ang siyang lunas Lalaki ang siyang may lunas Na tataguyod nitong bukas

Babae : Saglit lang kaibigan iyo yatang nakalimutan Na ang mundo’y malungkot kung walang kababaihan Totoong si Eba ay mula sa tadyang ni Adan Ito’y ginawa ng Diyos upang siya’y maligayahan

Kaming mga Eba ay laging minamaliit Mga isiping sa panahon ngayo’y dapat winawaglit Kami’y hindi na sa bahay lang umuukit Kaya na rin naming higitan inyong angking tindig.

Lalaki Kahit sa ating tahanan, babae ang siyang reyna Paano uunlad kung palaging nakaupo sa tasa Samantalang ang lalaki, nagsisipag, nagtitiyaga Sila ang tunay na tagapagtaguyod, nitong ating bansa.

Ang mga lalaking ama, ay haligi ng tahanan Sana ay maalala niyo baka inyong nakalimutan Mga uri ng trabaho lahat papasukan Ginagawang mahihirap, inyo sanang tandaan.

Babae : Ilaw ng tahanan nga ang tawag sa amin, Tagakupkop, tagahulma ng inyong mga supling Wag kang maging hambog, ako’y dapat iyong dinggin Kayang-kaya naming mabuhay na wala sainyong piling.

Sino ba ngayon ang Presidente ng Plipinas? Hindi ba’t isang maliit na babaeng noon sa panigin ninyo’y ahas, Lakas ng katawan at tapang kami raw ay salat ‘Di niyo ba nakikitang kami ngayon ay merong ibabatbat.

Lalaki : Kaibigan, nabanggit mo ang tungkol kay Gloria Kasalukuyang Presidente, babaeng kaaya-aya Nahalo sa presidenteng lalaki, pangalawang tala Ngunit sigurado ka ba sa kanyang ginagawa.

Sa ating pulitikal na kasaysayan, kalalakihan ang marami Sa bawat eleksyon lagi silang nagwawagi Tagapamuno nitong bansa tunay na piling-pili Mala-Adan na pamumuno, tunay naming kalahi.

Babae :Italic text Sa mundong ibabaw kayo lang ba ang makapangyarihan Sa inyo lang ba umaasa ang lahat ng kababaihan Hindi ba’t kami lagi ang inyong takbuhan Kung kailangan ninyo ng tulong sa kaht na anong larangan.

Kaya na rin naming gawin ang inyong trabaho Pagiging doktor, abogado at sundalo Kayo ba’y mabubuhay kung wala kami katoto Matitiis niyo kayang maglinis, maglaba at magluto.

Lalaki : Di ba mahihina ang kababaihan noong unang panahon Sa mga katanungan, kalalakihan ang tutugon.

Babae :' Oo nga’t kababaihan noon ay mahihina Hindi mo ba nakikita, kababaihan ngayon kayo’y nahihigitan na.

Lalaki : Halimbawa natin, si Pacquiao na buksingero Sa bawat pag-uwi, may pasalubong na tropeyo.

Babae : Si Lydia de Vega na kampyon ng takbuhan, Nagpamalas ng kagalingan at tinalo ang kalalakihan.

Lakandiwa : Mga makata maglubag kayo Ang pasya ko sana’y panigan niyo Ang Diyo’s ang siyang lumalang ng sangkatauhan Batay sa kanyang kagustuhan

Ginawa si Adan upang kanyang pangalagaan ang sanlibutan Ngunit nakita ng makapapngyarihan na siya’y ginupo ng kalungkutan, Kaya ginawa si Eba mula sa tadyang ni Adan Upang tagabigay ng tulong sa kahit na anong larangan

Kaya sa inyong magulang kayo ay kapwa mahalaga Wala silang pakialam kung kayo’y kabaro ni Adan o ni Eba Pagkat sa puso nila kayo ay nag-iisa At hindi mapapalitan ng kahit ano pa man.

Mga butihing makata labana’y tapos na Ang pasya kong Lakandiwa’y tapos na Mga panauhin at tagapakinig ang humusga Kapwa ninyo nakamit ang gantimpala....