User:Turalaze

İstər sosial şəbəkələrdə, istər real ünsiyyətdə biz gay'lər heteroseksualların yalnış bilgilənməsiylə, homoseksualizmi pisləməyə yönəlik məntiqə və həqiqətə uyğun olmayan arqumentlərlə rastlaşırıq. Bunlardan biri "gay'lərin xəstə olması və öz seçimlərinin qurbanı olması" problemidir. Bu absurd fikrin yalnışlığlığını sübut etməkdə sizlərə kömək edəcəm.

Homoseksualizm (cinsi azlıqlar haqda elm) azad bir seçimmidir? Yoxsa uşaqlıqda yaşanan hər hansı travmanın nəticəsidir? Müalicəsi varmı? kimi suallar insanları düşündürür. Toplumda hətta bunu "nümunəvi ata füquru"nun olmaması və hətta ailədəki bədbəxtçiliklə əlaqələndirirlər.

"Homoseksualizm nə 10 il əvvəl yaranıb, nə 5 il əvvəl. Bunun tarixi eradan əvvəl 2-3 minilliyədək gedib çıxır (Misirdə, Qədim Yunanıstanda bunu isbat edəcək maddi nümunələr var). Uzun zaman gizli saxlanılan bu cinsi istək, zaman keçdikcə sayca da, ərazicə də böyüməyə, artmağa başlamışdır. XVIII-XIX əsrdə homoseksualizm Amerikada, Avropada kütləvi hal almağa başladı (əslində digər ölkələrdə də bu gizli olaraq çoxalmaqda idi). Din pərdəsi altında bu insanlar öldürüldü, müxtəlif cəzalara məruz qaldılar. Zamanca Amerikada və Avropada homoseksuallar cinayətkar kimi həbs edildi, daha sonralarsa icbari xəstəxanalara məhkum edildilər. Homoseksualizm eyniylə şizofreniya (ruhi xəstəlik) kimi xəstəlik hesab edilir, müalicəsinə çalışılırdı. Amma bütün cəhdlər boşuna idi. Təxminən 40 il bundan əvvəl psixoloqlar, psixatorlar və digər ruhi xəstəliklər üzrə professorlar homoseksualizmin xəstəlik, ruhi pozğunluq və ya hissi bir problem olmadığını təsdiqlədilər. İlk olaraq, 1973-cü ildə Amerika Psixatorlar Dərnəyi homoseksualizmin xəstəliklər kateqoriyasından çıxarılmasına qərar verdi. Qərar bir il sonra illik iclasda səsverməylə qəbul edildi. Eyniylə 17 May, 1990-cı il tarixində Dünya Sağlamlıq Təşkilatı (WHO) homoseksualizmi xəstəliklər siyahısından çıxartdı. 1992-ci ildə bu qərar rəsmən "Xəstəliklərin Beynəlxalq Sinifləndirilməsi" siyahısında təsdiqləndi. 1994-cü ildən WHO'ya üzv olan ölkələr bu sinifləndirmədən istifadə etməyə başladılar. Homoseksualizmin bir xəstəlik, pozğunluq ya da əksiklik olmadığını, 3 fərqli cinsi yönümdən (sexual orientation) (kişilər, qadınlar və homolar) biri olduğunu və doğuşdan ya da 3 ilə 4 yaşlarına qədər yaranan, fərdin özünün seçmədiyi bir hal olduğu tibb elmi tərəfindən təsdiq edilmişdir."

Mənə çox maraqlıdır, bu gün bir azərbaycanlı "həkim", "psixoloq" çıxıb televiziyada, mətbuatda homoseksualizmi xəstəlik hesab edəndə utanmırmı? Yəni, o Amerikadakı tibb xadimindən çox mu bilir? Görəsən, özlüyündə nə kəşf edib ki, bu cür danışır? Əgər belə çox "ağıllı"dırsa, Dünya Tibb Təşkilatında işləyərdi, dünya "nəsə" öyrənərdi.

Düşünürəm ki, sadəcə, ölkələrdəki progresi müqayisə etmək kifayətdir. Bugünki gün Avropada homoseksual gənc azad yaşayır, təhsil alır, sərbəst işləyir. Cəmiyyətdən kənarlaşdırılmır, sevinir, gülür, ikili həyat keçirmək məcburiyyətində qalmır. İntihar və ya intihara cəhd etmir. Gəlin İNSAN oLaq! Hər kəsə də İNSAN kimi qiymət verək.