User:Thatotherpoetryguy/Standerton High School
Standerton Hoërskool is 'n multi medium tersiêre skool geleë in Standerton . Die skool is geopen in 19 Januarie 1921 met Mnr. GJ de Vos as hoof. 'n Breë spektrum van aktiwiteite word hier aangebied. Eundo Crescimus (Algaande groei ons) is die kragtige latynse leuse wat ook op die wapen verskyn.
Visie[edit]
SHS streef pro-aktief na uitnemendheid en balans vir die totale gemeenskap.
Missie[edit]
Om deur 'n professionele, bekostigbare en doelgerigte onderrigstelsel die jeug van Standerton se gemeenskap op te voed en te onderrig in akademie, sport en kultuur. Daardeur word gebalanseerde, gedissiplineerde en selfstandige jongmense gekweek vir die gemeenskap.
Skoollied[edit]
| “ | Het jy gehoor in die nag soos wind die ou-ou roep van die Vaalrivier? |
” |
Fasiliteite[edit]
Akademie-[edit]
- 28 Klaskamers met dataprojektors en internet toegang
- 6 met interaktiewe wit borde
- 4 Wetenskap Laboratoriums
- 3 Rekenaar sentrums
- 1 Landbou tegnologie sentrum
- 1 Gasvryheidstudie sentrum met restaurant
- 1 IGO tekeninge sentrum
Sport-[edit]
- Volledige gras atletiek baan
- 4 Rugby velde
- 3 Hokkie velde met afsonderlike doelwagter oefen baan
- 8 Netbalbane
- Krieketveld met 10 kolwer nette
- Toegeruste Gimnasium
- Onderdak Paviljoen vir 2000 mense
- Toegeruste verkoopslokaal en onthaalsaal
- Kafeteria en kuier area vir leerlinge
Geskiedenis[edit]
Op 19 Januarie 1921 vind die opening van die SHS plaas met mnr. GJ de Vos as hoof . Die skool het begin met 165 leerlinge. Mnr. De Vos is na slegs ses maande bevorder tot inspekteur en op 5 Oktober 1921 aanvaar mnr. V. Pretorius diens as nuwe hoof.Op 4 Augustus 1923 is die hoeksteen gelê vir die eerste gebou op die huidige skoolterrein.
Dagbreek koshuis was die eerste gebou wat opgerig is en op 18 Augustus is die tennisbane op die skoolgrond geopen.‘n Hoogtepunt in die skool se geskiedenis was die in gebruik neming van die eerste skoolbaadjie op 22 Augustus 1922. ‘n Kompetisie is onder die skoolkinders gehou om ‘n skoolwapen en leuse te ontwerp. Die wenner was Van Zyl Steyn. Hy was ‘n briljante leerling wat reeds op 28-jarige ouderdom ‘n professor in Regte aan die Universiteit van Stellenbosch was. Hierdie wapen en leuse is vandag nog in gebruik.
Na 10 jaar, is mnr. V. Pretorius opgevolg deur mnr. M.W. de Villiers wat vanaf 5 April 1932 tot 30 Julie 1935 hoof was. Hy word bevorder tot inspekteur van onderwys en mnr. L. de Villiers volg hom op en begin in sy termyn op 20 Januarie 1936. In sy termyn as hoof wen die skool op 17 November 1939 die Administrateursbeker vir krieket en op 13 September 1941 wen SHS ook die Administrateursbeker vir rugby. Mnr. L. de Villiers word ook bevorder tot inspekteur en mnr. D.H de Waal volg hom op op 29 Julie 1947.
Die skool se getalle het so toegeneem dat die bestaande geboue, waar die Haas Das kleuterskool nou is, te klein geword het. Op 13 Februarie 1951 het mnr. De Waal die eerste sooi gespit op die terrein waar die skoolgebou nou staan. Op 17 Januarie 1953 trek die leerlinge in die nuwe skoolgebou in. Vyftien jaar later op 20 September 1958 word die D.A de Waal saal (die skoolsaal) in gebruik geneem. In 1959 word die nuwe aangeboude vleuel, met die nuwe biblioteek, in gebruik geneem.Mnr. CP van der Walt volg mnr. De Waal in Julie 1965 op. Hy was slegs twee jaar hoof van die skool, maar het aanvoorwerk vir baie vernuwings gedoen. In sy tyd het die groen skool rokkies na ougoud verander, aanvoorwerk vir ‘n skoollied is gedoen en hy het ook die nuwe beoogde amfi-teater atletiekbaan beplan. Die skool het in sy tydperk ook sy eerste skoolbus aangekoop.
Julie 1967 word Mnr. Van der Walt bevorder tot inspekteur en mnr. R.J Els volg hom op.In mnr. Els se termyn word die skoollied in November 1967 in gebruik geneem. Twee toneelgroepe is in sy tyd onderskeidelik in 1967 en in 1969 nasionale wenners van die ATKV-toneel kompetisie. In 1969 is die erekleure swart baadjie ingestel, wat vandag deur al die leerlinge gedra word. In 1971 word die skool se 50ste bestaan luisterryk gevier. Die toneelstuk "Gif en oujongnooiens" word opgevoer en SHS wen die interhoër atletiekbyeenkoms. Op 9 Oktober 1971 word die operette "Melinda" opgevoer. ‘n Feestelike dinee is aangebied en op Saterdag 8 Oktober 1971 word die nuwe atletiekbaan ook in gebruik geneem. In die daaropvolgende 10 jaar word die atletiekbaan, wat toe ‘n asbaan was, wel deeglik gebruik. Daar is vyf interhoër- byeenkomste, drie interbond, twee Suid-Afrikaanse junior kampioenskappe en ook senior sowel as junior Oos-Transvaalse kampioenskappe aangebied.
In 1975 word mnr. Els die soveelste hoof van die skool wat tot inspekteur bevorder word.Op 1 Mei 1975 word mnr. L.A. du Toit Moolman die agste hoof van die skool. In mnr. Mool se termyn word die hoofingang na die skool asook die ingang na die sportterrein voltooi. Hy bring ‘n buitekurrikulêre sentrum vir Musiek-Kuns-en ballet tot stand. Dit is ook in hierdie tyd dat die skool vir die eerste keer ‘n leerling oplewer wat in al ses sy vakke onderskeidings behaal. As gevolg van die bou van die Grootdraai dam neem die leerlinggetalle toe en het die skool sy meeste leerlinge ooit. In 1978 slaag die eerste hokkiespan daarin om die Administrateursbeker te wen. In die winterseisoen van 1976 word die nuwe winterdrag vir dogters in gebruik geneem. Die nuwe swart langbroek was dadelik baie gewild.
Op 1 Mei neem mnr. CP van Aardt die leisels oor. Met die bou van die Thuthuka kragstasie word nog meer leerlinge in die skool verwag. In 1981 word daar weer ‘n groot fees gevier met die skool se sestigste verjaarsdag. Op 12 Junie is genl. Constand Viljoen, ‘n oudleerling van SHS, die gasspreker by die dinee. In die tydperk blom die volkspele by die skool en die skool het ook ‘n aktiewe trompoppie groep.
Nuwe skoolbusse is aangekoop. Mnr. van Aardt behaal sy doktersgraad in Afrikaans en word bevorder tot inspekteur van onderwys.In 1984 presteer die skool se dogters en seuns atletiek-span uitstekend. Hulle wen die Administrateursbeker saam met mnr. Nic Oosthuizen as afrigter.Op 1 Januarie 1985 neem mnr. Roelf Heyns die leisels oor as skoolhoof. Hoogtepunte tydens sy hoofskap is as volg : Spreiligte is aangebring op die rugbyveld, agt netbalbane is geteer en ‘n 18-punt skietbaan is gebou (wat nou nie meer in gebruik is nie). Verder is ‘n rekenaarsentrum geopen met rekenaarstudie as vak. Tegniese Tekeninge as ‘n vak is ingestel en die oorspronklike atletiek/asbaan is verander na ‘n grasbaan. SHS se dogters wen die Sasol Atletiekbyeenkoms in Maart 1985 waar 270 skole deelgeneem het. Die skoolkoor groei tot van die beste in die Ou Transvaal. Die skool koor het doodgeloop, maar is weer in 2015 begin onder leiding van Mev. M. de Villiers. Mnr. Heyns tree uit die onderwys op 31 Augustus 1994.
Sosiale aangeleenthede[edit]
Valentynsbal[edit]
Die valentynsbal is ‘n semi-formele geleentheid. Elke jaar is daar ook ‘n ander tema vir die bal. Die tema vir 2014 was A Hollywood Night. Die skoolsaal word ook deur die leerlingraad, ouers en onderwysers omgeskakel om soos die Royal Albert Hall te lyk.
Lentedans[edit]
Dit is ietwat minder formeel as die valentynsbal. Dit vind altyd in September plaas in die koshuisvierkant en eetsaal waar daar ook ‘n tema betrokke is. Caribbean Beach het as 2013 se tema gedien.
Sokkies[edit]
Sokkies vind plaas op Donderdae aande – soveel as wat moontlik ingewerk kan word tussen die besige akademiese- en sportskedule. Die tradisionele interhoërsokkie vind altyd die week voor die atletiekbyeenkoms plaas en is ook ‘n belangrike deel van die geesvangweek.
Geesvangweek[edit]
Die week voor interhoër is die week waarin SHS probeer om die kinders se gees op te bou.
| “ | Anything goes! | ” |
Leerders, en ook die onderwysers, neem deel aan aktiwiteite en trek kostuums aan of pleinweg net vreemd.
Colour festival[edit]
2014 is die eerste jaar wat daar in plaas van hul tradisionele waterballongeveg, ‘n "colour festival" gehou is op die rugbyveld. Dit word gehuisves op die rugbyveld.
Sing-songs[edit]
Leerlinge wat nie deelneem aan atletiek nie, kan by Hoërskool Standerton se sing-songs groep of “sangatlete” inval.
Meneer en Mejuffrou SHS[edit]
Matriekafskeid[edit]
In Augustus word die matrieks gegroet met ‘n aand wat iets tussen ‘n rooi tapyt geleentheid en ‘n bal in ‘n feëverhaal is. Vir talle matriek-leerlinge, vorm die glansryke aand die hoogtepunt van hulle skoolloopbaan.
Matriek-modeparade[edit]
Matrieks word aan gemoedig om aan die mode parade, die week na die matriekafskeid deel te neem. Dit is ‘n geleentheid waar Standerton se mense na die klere van die matriekafskeid kom kyk – in fyn detail en met behoorlike beligting.
Sport toere[edit]
Hokkie-, netbal- en rugbyspanne kry die geleentheid om op 'n toer te gaan waar hulle dan opgelei word en ook teen verskeie skole speel.
Oorsese toere[edit]
SHS bied vir die afgelope paar jaar ook verskeie skooltoere oorsee toere aan. Die toergroepe het al China, Frankryk(France) en Italië(Italy) besoek. In 2014 was daar ‘n toer na Griekeland(Greece) aangebied. Dit bied aan die kinders wat deel is van SHS, ‘n kans om die wêreld te verken.
Graad 11 kamp[edit]
Dit is ‘n kamp waarheen graad 11’s die voorreg het om te gaan om mekaar beter te leer ken en is ook (behalwe vir sporttoere) die laaste skoolkamp wat leerlinge kan bywoon. Die sosiale kamp word sterk aanbeveel.
Bakgatfunksie[edit]
Om aan die einde van die jaar die leerlinge wat ingeskakel het by SHS-aktiwiteite te beloon, bied die skool die Bakgatfunksie aan. Elke leerling ontvang n knopie, (‘n Bakgat 8-12) vir sy/haar deelname aan ‘n sport, kultuur of groepaktiwiteit soos atletiek, landsdiens of sing-songs.
Vakkeuses[edit]
Die samestelling van n vakpakket vir Gr10-12[edit]
Maak `n vak keuse aan die hand van die volgende:
- Kind se belangstelling.
- Kind se aanleg volgens kundiges.
- Kind se vermoë.
- Kind se werkywer.
- Nie volgens die ouer se vermoë en belangstelling nie.
Wat kan 'n ouer doen ten opsigte van sy kind se vakkeuse?[edit]
- Kundige persone by die skool raadpleeg.
- Kundige persone buite die skool raadpleeg.
• HPM • Opvoedkundige sielkundiges • Universiteite
- Kind se akademiese prestasie in ag neem.
- Kind motiveer om akademies volgens sy of haar vermoë te presteer.
- Sy kennis van sy kind in ag neem.
- Sy kind se mening in ag neem.
‘n Leerling neem 7 vakke[edit]
Vakkeuse vorms van Hoërskool Standerton is beskikbaar op die skool se webwerf.
4 Verpligte vakke[edit]
- Huistaal
- Addisionele taal
- Wiskunde OF Wiskundige Geletterdheid
- Lewensoriëntering
- 3 Keusevakke
Keuse vakke[edit]
- Fisiese Wetenskappe(Science)
- Lewenswetenskappe(Biology)
- Besigheidstudies/Bedryfsekonomie
- Ekonomie(Economics)
- Rekeningkunde(Accounting)
- Geografie(Geography)
- Landboutegnologie
- Inligtingstegnologie/IT
- Rekenaartoepassingstegnologie/CAT
- Ingenieursgrafika & Ontwerp
- Toerisme(Tourism)
- Gasvryheidstudies
Wat moet in gedagte gehou word by die keuse tussen Wiskunde en Wiskundige Geletterdheid?[edit]
- Studierigting na skool.
- Wiskunde potensiaal.
- Werkywer
Volgens ‘n departementele regulasie kan die volgende vakke slegs saam met Wiskunde(Mathematics) geneem word![edit]
- Fisiese Wetenskap(Science)
- Rekeningkunde(Accounting)
- IT(IT)
References[edit]
http://shsbakgat.co.za//shs%20admin%20uploads/Vakkeuses/VAKKEUSE%20MET%20WISKUNDE.pdf