User talk:Aakaashhsharma

HARYANVI POEMS AND SONGS BY AAKASH SHARMA

"तनै बुझूं मैं तालिबान"

स्वरचित हरियाणवी कविता के माध्यम से तालिबान द्वारा पेशावर में किए गए निर्मम हत्याकांड की अालोचना करता हूँ और तमाम शहीदों को श्रद्धांजलि अर्पित करता हूँ|

12वाँ महीना, सन14, दिन16 का आया था। तालिबान की काली करतूत नै,इसा कहर बरपाया था।। फूल कुचल दिए थे क्यारी के,माली तक जिंदा जलाया था। इसा खून बहाया था,पूरा पेशावर थर्राया था।।

मासूम किलकियाँ भी सुनी नहीँ,छाती मै पित्तल घाल दिया। कइयाँ के सपने थे जिनमै,मासूम संसार उजाड दिया।। मिह बरसाया गोलियाँ का,तनै जान लूटली 141| रै जुल्मी मैँ तनैँ बुझूं, कुक्कर चाली तेरी AK-47 ।।

सोच कै देखिए उन माआँ की,जिनै वे पाले-पौसे होगें| रोज लाड लडांदी होगी,अर सपने भी कितने सोचे होगें|| बाप था उनका जो,एक आंजू तक भी आन नी दे था| अर तनै पाड कै छाती उनकी, क्यूँ किलकी कडवादी रै|| तालिबान मैं तनै बुझूं,इसा कौनसी किताब पढ़ागी रै|

खुद नै वे धर्म के, ठेकेदार बतावै सै| खेलणिए बालक मार दिए,न्यूँ कौनसा धर्म बतावै सै|| माँ के छीन लिए लाल तनै,बाप की उंगली सुन्नी करदी| तनै बुझूं मैं तालिबान न्यूँ ,कौनसा मजहब सिखावै सै||

रै मातम छाया था पाक मै, दुःख भारत कै भी घणा होया था| आगै कंधा करया भारत नै,इसा अजूबा होया था|| सिर कांधे पै धर कै पाक,बिलख बिलख कै रोया था| रै तनै बुझूं मैं तालिबान,तेरा कौनसा मकसद पूरा होया था||

इस्लाम नै बदनाम करै तू, मुस्लमान तू हो नी सकता| पेशावर का छिन्या बचपन,मोहम्मद का चेला तू हो नी सकता|| जेहाद़ जेहाद़ करै तू फिरता,जेहाद़ का मतलब पता नहीं| तनै जान बदल दी जनाज्याँ मै,तू अपनी माँ का भी हो नी सकता||

इसा चाला करया तनै,तू किसी धर्म जात का हो नी सकता| तू पैदावार सिर्फ उग्रवाद की,किसी माँ का जाम्या हो नी सकता|| तेरै हाय लागेगी उन माआँ की,ज्यूँ-ज्यूँ कलेजा उनका पाटेगा| जिद देखुगाँ तालिबान ,फेर कडै़ तू भाजेगा||

कफ़न की तो सोचै मत ना, तनै माटी भी नसीब होवै ना| घणे करे तनै कुकर्म ,हिसाब जहन्नुम मै भी होवै ना|| जुल्म डहाए तनै धरती पै,आकाश गवाह तेरी करतूताँ का| फेर जानिए तालिबान के मतलब था मेरी बातां का||

आकाश शर्मा|| छात्र:- बी.ए.एल.एल.बी.(तृतीय वर्ष) कुरूक्षेत्र यूनिवर्सिटी,कुरूक्षेत्र|| मो.न०- 09034644081

https://aakaashhsharma.wordpress.com/2015/02/16/haryanvi-poem-by-aakash-sharma/

किसान

आजो दुनिया वालो आज, थानै हाल दिखाउ अन्नदात्ता के...1 गल मै परणा हाथ मै कस्सी, पा पिंडी तक धसरे राता के....2

पायां मै टुट्टे लित्तर रै, भरया दुःख का पहाड भित्तर रै बस डुब्या रै सै सोच मै ना मिलै टेम पै टिक्कड रै क्यूँ भुल्ले जा ये किसान जो असली सपूत सै धरती माता के गल मै परणा हाथ मै कस्सी, पा पिंडी तक धसरे राता के....1

कदे टैन्सन बणजा या मंहगी खार,कदे पैन्सन खाज्या श्याणी सरकार कदे यू मीठा सामण धोखा देज्या,कदे मौके पै नाटज्या साहूकार या मार सै महंगाई की,औखे होगे आज ठेके ठाने खेता के गल मै परणा हाथ मै कस्सी, पा पिंडी तक धसरे राता के....1

हाये रै सुखा पडग्या-सुखा पडग्या, कोई ना भुख्खा मरता इंसान बस जिसका पेट कमर पै लाग्या, वो सै कल्ला भुख्खा किसान कदे मौसम की मार, कदे लाल बिमार, कदे सौदे ये फायदे घाट्या के गल मै परणा हाथ मै कस्सी, पा पिंडी तक धसरे राता के....1

इतनी मेहनत करकै बौवै , कईं बै फसल टेम पै उगती ना क्युक्कर बालकाँ नै पढा़वै, इब तो फीस भी उनकी पुगती ना कदे ब्याह कदे जामण आज्या मुश्किल होगे निभाने नाता के गल मै परणा हाथ मै कस्सी, पा पिंडी तक धसरे राता के....1

आमदनी कम खरचा ज्यादा, यूँ इस्सा मोटा रास्सा होग्या रै छटे महिने बेसाई लागज्या,यूँ टुकड़े का सास्सा होग्या रै बिना शिक्षा के लुटते जा रे, दुश्मन बना दिए जाता के गल मै परणा हाथ मै कस्सी, पा पिंडी तक धसरे राता के....1

रै फसल पछेती, मंदी खेती, कदे पाट्टै ना करजा डर लाग्गै यू रोल़ा मोटर का, बरसात कसुत्ती,कदे घर ना चूजै डर लाग्गै कौन समझेगा इन दर्दा नै ,सारे स्वाद लेणिए सै बाता के गल मै परणा हाथ मै कस्सी, पा पिंडी तक धसरे राता के....1

कट्ठे होकै लड़ै लड़ाई किसानों इब वजूद बचाना होगा जय किसान जय हिंदुस्तान का नारा सच बनाना होगा आकाश शर्मा कह रौणक आवै जब मिलेंगे दाम खुबातां के गल मै परणा हाथ मै कस्सी, पा पिंडी तक धसरे राता के....

आजो दुनिया वालो आज, थानै हाल दिखाउ अन्नदात्ता के...1 गल मै परणा हाथ मै कस्सी, पा पिंडी तक धसरे राता के....2

आकाश शर्मा छात्र :- b.a.ll.b. कुरूक्षेत्र विश्वविद्यालय| 9034644081 aakaashhsharma@gmail.com

"घर बंट गए बार बंट गए"!!

खिंच गई लकीर बन गई कांध, हो गए कुणबे न्यारे न्यारे।। घर बंट गए बार भी बंट गए, माँ-बाप भी हो गए थारे-म्हारे।।

एक भाई पै आई धरती दूसरे के बांडै आया चुबारा रै एक की घल गई कोठी खेता मै एक नै थ्याया बाड़ा रै बोच कै हाथा मै जिद माँ, ल्याई बंधी पोटली जेवराँ की आँख घूरे जा लालच की, बहुआँ गेल जेठ- देवराँ की के रया जिद चूल्हा-चौंका बास्सन तक बंड गए सारे के सारे। घर बंट गए बार भी बंट गए, माँ-बाप भी हो गए थारे-म्हारे।।

कडै गई वा शर्म दिखती ना ,वा बची आँखा की लाज दिखती ना इसा के बाप तै बडा होग्या बेटा, रोती माँ तैने आज दिखती ना छोटे बडे़ की कदर रही ना ,भुला दिए रिश्ते नाते सारे एसी हिसाब की घड़ी आई , डांगर भी कर दिए न्यारे न्यारे के दोष भला उस बाछी का जिनै दस दिन होए जामे नै प्यारे। घर बंट गए बार भी बंट गए, माँ-बाप भी हो गए थारे-म्हारे।।

अपणा नै ना कोई देख कै राजी पड़ोसियाँ गेल याराना होगया घर-घर का यू गाना होगया इकट्ठे रहण का फैशन पुराणा होगया जै कदर करी ना माँ बापा की यूँ सारा कमाया थूडजेगा तेरे सिर कर्जा सै माँ-बापा का जिद समझेगा दिल घुटजेगा कह आकाश जमी साची बात ध्यान राखियों सारे के सारे। घर बंट गए बार भी बंट गए, माँ-बाप भी हो गए थारे-म्हारे।।

"ख्वाब" (गज़ल)

मैं सपनों को पूरा करने आया हूँ, ख्वाबों को अपने जीने आया हूँ! फिर से मैं रेत के महल बनाने आया हूँ, बरसाती पानी मे कागज़ी जाहज दौड़ाने आया हूँ!

कभी मस्ती थी वो फूलों मे वो बूंदों मे और खेलो में, आज मतलब मस्ती का है मदीरा, बस मिलती है मयखानों मे! मैं आज उस खोयी मस्ती मे झूमने आया हूँ! मैं सपनों को पूरा करने आया हूँ!

गूँजते थे जो देश तराने हर गली और आशियानों मे, लिपटे पड़े है झंडो मे वो आज बंद पडे तहखानों मे! मैं आज सोयी देशभक्ति जगाने आया हूँ, मैं सपनों को पूरा करने आया हूँ!

आज भक्ति भी महंगी गरीबों की जो मिलती है हजारों मे, जब खुद खुदा भी मूरत बनकर बिकता है बाजारों मे! मैं ऐसी खोयी आस्था लौटाने आया हूँ, मैं सपनों को पूरा करने आया हूँ!

गुम सी है आज दिल-लगी भी ज़मानो से दिवानों मे, खो गई वो मोहब्बत भी शमाँ के खातिर परवानों मे! मैं आज तार दिलों के छूने आया हूँ, मैं सपनों को पूरा करने आया हूँ!

हर घर गुलज़ार थे,खुशियाँ थी मकानों में, मोहताज़ है आकाश आज जिसे ढूंढ रहा दुकानों में! मैं आज कल़म के बोल सुनाने आया हूँ, मैं सपनों को पूरा करने आया हूँ!

Speedy deletion nomination of User:Aakaashhsharma

Hello, and welcome to Wikipedia. A tag has been placed on User:Aakaashhsharma requesting that it be speedily deleted from Wikipedia. This has been done under section U5 of the criteria for speedy deletion, because the page appears to consist of writings, information, discussions, or activities not closely related to Wikipedia's goals. Please note that Wikipedia is not a free web hosting service. Under the criteria for speedy deletion, such pages may be deleted at any time.

If you think this page should not be deleted for this reason, you may contest the nomination by visiting the page and clicking the button labelled "Contest this speedy deletion". This will give you the opportunity to explain why you believe the page should not be deleted. However, be aware that once a page is tagged for speedy deletion, it may be deleted without delay. Please do not remove the speedy deletion tag from the page yourself, but do not hesitate to add information in line with Wikipedia's policies and guidelines. If the page is deleted, and you wish to retrieve the deleted material for future reference or improvement, then please contact the deleting administrator, or if you have already done so, you can place a request here. Flounder fillet (talk) 12:45, 23 May 2024 (UTC)