This is the user sandbox of Shamitha.a1910471. A user sandbox is a subpage of the user's user page. It serves as a testing spot and page development space for the user and is not an encyclopedia article. Create or edit your own sandbox here.

Other sandboxes: Main sandbox | Template sandbox

Finished writing a draft article? Are you ready to request review of it by an experienced editor for possible inclusion in Wikipedia? Submit your draft for review!

ನವಗ್ರಹ ತೀರ್ಥ

ನವಗ್ರಹ ಜೈನ ದೇವಾಲಯ ಅಥವಾ ನವಗ್ರಹ ತೀರ್ಥ ಉತ್ತರ ಕರ್ನಾಟಕದ ಹುಬ್ಬಳ್ಳಿ ಬಳಿಯ ವರೂರಿನಲ್ಲಿದೆ. ನವಗ್ರಹ ತೀರ್ಥ ಭಾರತದ ಜೈನ ಸಮುದಾಯದ ಪ್ರಮುಖ ಯಾತ್ರಾ ಸ್ಥಳಗಳಲ್ಲಿ ಒಂದಾಗಿದೆ. ಈ ದೇವಾಲಯದಲ್ಲಿ ಶ್ರೀ 1008 ಭಗವಾನ್ ಪಾರ್ಶ್ವನಾಥರ 61 ಅಡಿ (18.6 ಮೀ) ಎತ್ತರದ ಏಕಶಿಲೆಯ ವಿಗ್ರಹ ಮತ್ತು ಇತರ 8 ಜೈನ ತೀರ್ಥಂಕರರ ಸಣ್ಣ ಪ್ರತಿಮೆಗಳಿವೆ. ಈ ಪ್ರತಿಮೆಯು ಭಾರತದ ಜೈನ ದೇವತ ಪಾರ್ಶ್ವನಾಥರ ಅತಿ ಎತ್ತರದ ಪ್ರತಿಮೆಯಾಗಿದ್ದು 185 ಟನ್ ತೂಕ ಹೊಂದಿದೆ. ಈ ಪ್ರತಿಮೆ 48 ಅಡಿ (14.6-ಮೀ) ಎತ್ತರದ ಪೀಠದ ಮೇಲೆ (ಒಟ್ಟು 109 ಅಡಿ) ನಿಂತಿದೆ.ನವಗ್ರಹ ತೀರ್ಥದಲ್ಲಿ ಪದ್ಮವತಿ ಮಂದಿರ, ಐದು ಕ್ಷೇತ್ರಪಾಲರ ಮಂದಿರಗಳು ಇವೆ.

ಏಕಶಿಲೆಯ ಪ್ರತಿಮೆ

ನವಗ್ರಹ ತೀರ್ಥದ ನಿರ್ಮಾಣವು 2005 ರ ಜನವರಿಯಲ್ಲಿ ಪ್ರಾರಂಭವಾಯಿತು ಮತ್ತು ಒಂದು ವರ್ಷದಲ್ಲಿ ಏಕಶಿಲೆಯ ಪ್ರತಿಮೆಗಳ ಕೆತ್ತನೆ ಪೂರ್ಣಗೊಂಡಿತು. ಈ ಎಲ್ಲಾ ಕಾರ್ಯಗಳ ನಿರ್ಮಾಪಕರು ಆಚಾರ್ಯ ಶ್ರೀ ಗುಣಧರ ನಂದಿ ಮಹಾರಾಜರು ಮತ್ತು ಶ್ರೀ ಧರ್ಮಸೇನ ಭಟ್ಟಾರಕ ಸ್ವಾಮೀಜಿ ಜೊತೆಗೆ ನೂರಾರು ಸ್ವಯಂಸೇವಕರು ಬೆಂಬಲಿಸಿದರು. 2007ಕ್ಕೆ ಪಂಚಕಲ್ಯಾಣ ಪೂಜೆ ನೆರವೇರಿಸಿದರು. ಹುಬ್ಬಳ್ಳಿ-ಧಾರವಾಡ ನಗರದಿಂದ ಕೇವಲ 29 ಕಿ.ಮೀ ದೂರದಲ್ಲಿರುವ ವರೂರ್ ಎಂಬ ಹಳ್ಳಿಯಲ್ಲಿರುವ ನವಗ್ರಹ ತೀರ್ಥವು ರಾಜ್ಯದ ಪ್ರವಾಸೋದ್ಯಮ ನಕ್ಷೆಯಲ್ಲಿ ಪ್ರಮುಖ ಸ್ಥಳವಾಗಿದೆ, ಇದು ದೇಶಾದ್ಯಂತದ ಜನಸಂದಣಿಯನ್ನು ಸೆಳೆಯುತ್ತಿದೆ. ಪುಣೆ-ಬೆಂಗಳೂರು ರಸ್ತೆಯ ಪಕ್ಕದಲ್ಲಿರುವ 45 ಎಕರೆ ಪ್ರದೇಶದಲ್ಲಿ ಹರಡಿರುವ ನವಗ್ರಹ ತೀರ್ಥವನ್ನು ಜೈನ ಸಮುದಾಯವು ಇತರ ಸಮುದಾಯದ ಜನರ ಸಹಾಯದಿಂದ ಸ್ಥಾಪಿಸಿತು. ಇದನ್ನು ಹೆಚ್ಚಾಗಿ ಶ್ರೀ ಗುಣಧರ ನಂದಿ ಮಹಾರಾಜ್ ಅವರ ಪ್ರಯತ್ನಗಳ ಮೂಲಕ ಸ್ಥಾಪಿಸಲಾಗಿದೆ. ಶ್ರೀ ಪಾರ್ಶ್ವನಾಥ ತೀರ್ಥಂಕರ 48 ಅಡಿ (15 ಮೀ) ಪೀಠದ ಮೇಲೆ ಅಳವಡಿಸಲಾಗಿರುವ ಕಾಯೋತ್ಸರ್ಗ ಭಂಗಿಯಲ್ಲಿ 61 ಅಡಿ (19 ಮೀ), 185 ಟನ್ ಏಕಶಿಲೆಯ ಪ್ರತಿಮೆಯನ್ನು ಹೊಂದಿದೆ. ಇದರ ಒಟ್ಟು ಎತ್ತರ 109 ಅಡಿ (33 ಮೀ).

ಒಂಬತ್ತು ತೀರ್ಥಂಕರರನ್ನು ಪೂಜಿಸುವ ಮೂಲಕ ಒಂಬತ್ತು ಗ್ರಹಗಳ ಗ್ರಹ ದೋಶಗಳನ್ನು ಸಮನ್ವಯಗೊಳಿಸಬಹುದು ಎಂದು ನಂಬಲಾಗಿದೆ.ಮನುಷ್ಯನ ಭವಿಷ್ಯಕ್ಕೆ ಗ್ರಹಗಳ ಕೊಡುಗೆ ಅಪಾರವೆಂದು ಜ್ಯೋತಿಷ್ಯ ಶಾಸ್ತ್ರದಲ್ಲಿನಂಬಿಕೆ ಇದೆ. ಆದಕಾರಣ ನಿತ್ಯ ಪೂಜೆ ಮಾಡುವ ಮೂಲಕ ಮಾನವ ಕುಲದ ಜೊತೆಗೆ ಸಮಸ್ತ ಜೀವಿಗಳಿಗೆ ಉತ್ತಮ ಭವಿಷ್ಯ ಲಭಿಸಲೆಂಬ ಉದ್ದೇಶದಿಂದ ಒಂಬತ್ತು ಗ್ರಹಗಳು ಹಾಗೂ ಅವುಗಳ ಮೇಲೆ ಒಂಬತ್ತು ತೀರ್ಥಂಕರರನ್ನು ಇಲ್ಲಿ ಸ್ಥಾಪಿಸಲಾಗಿದೆ. ನವಗ್ರಹ ಜೈನ ತೀರ್ಥಂಕರ ಪ್ರಕಾರ ಸೂರ್ಯಗ್ರಹದ ಮೇಲೆ ಪದ್ಮಪ್ರಭು ತೀರ್ಥಂಕರರು, ಚಂದ್ರಗ್ರಹದ ಮೇಲೆ ಚಂದ್ರಪ್ರಭು, ಮಂಗಳ ಗ್ರಹದ ಮೇಲೆ ವಾಸುಪೂಜ್ಯ, ಬುಧಗ್ರಹದ ಮೇಲೆ ಮಲ್ಲಿನಾಥ, ಗುರುಗ್ರಹದ ಮೇಲೆ ಮಹಾವೀರ, ಶುಕ್ರಗ್ರಹದ ಮೇಲೆ ಪುಷ್ಪದಂತ, ಶನಿಗ್ರಹದ ಮೇಲೆ ಮುನಿಶ್ರೀನಾಥ, ಕೇತುಗ್ರಹದ ಮೇಲೆ ಪಾಶ್ರ್ವನಾಥ ಹಾಗೂ ರಾಹುಗ್ರಹದ ಮೇಲೆ ನೇಮಿನಾಥ ತೀರ್ಥಂಕರರನ್ನು ಸ್ಥಾಪಿಸಲಾಗಿದೆ. ಭಗವಾನ್ ಶ್ರೀ ಪಾರ್ಶ್ವನಾಥ ತೀರ್ಥಂಕರ ಅವರ ಏಕಶಿಲೆಯ ಪ್ರತಿಮೆ ಜನರನ್ನು ಆಕರ್ಷಿಸಿದೆ ಆದರೆ ಶ್ರವಣಬೆಳ ಗೋಳದಲ್ಲಿರುವ ಗೊಮ್ಮಟೇಶ್ವರ ಅಥವಾ ಭಗವಾನ್ ಬಾಹುಬಲಿ ಪ್ರತಿಮೆಗಿಂತ ದೊಡ್ಡದಾಗಿದೆ. ನವಗ್ರಹ ತೀರ್ಥದಲ್ಲಿನ ತೀರ್ಥಂಕರರ ಪ್ರತಿಮೆಗಳು ರಾಷ್ಟ್ರೀಯ ಹೆದ್ದಾರಿಯಲ್ಲಿ 4 ಕಿ.ಮೀ (2.5 ಮೈಲಿ) ದೂರದಲ್ಲಿದೆ, ಪುಣೆ-ಬೆಂಗಳೂರು ರಸ್ತೆಯ ವರೂರು ಬಳಿ ತಪೋವನ್ ಫ್ಲೈಓವರ್ ನಿರ್ಗಮನದಿಂದ ಕಾಣಿಸುತದೆ. ಹುಬ್ಬಳ್ಳಿ ಧಾರವಾಡ ನಗರ ವ್ಯಾಪ್ತಿಯಲ್ಲಿರುವುದರಿಂದ ನಗರದ ಯಾವುದೇ ಸ್ಥಳದಿಂದ ಅಲ್ಲಿಗೆ ತಲುಪುವುದು ಸುಲಭ

ವಸತಿ

ಪ್ರವಾಸಿಗರ ಭಾರಿ ಒಳಹರಿವಿನೊಂದಿಗೆ ಇಲ್ಲಿ 5 ಕೋಟಿ ರೂ.ಗಳ ವೆಚ್ಚದಲ್ಲಿ ಯಾತ್ರಿ ನಿವಾಸ ನಿರ್ಮಿಸಲಾಗುತ್ತಿದೆ. ಬೃಂದಾವನದಲ್ಲಿ ಒಂದು ಮಾರ್ಗದಲ್ಲಿ ಸಂಗೀತ ಕಾರಂಜಿ ಮತ್ತು ಉದ್ಯಾನವನ್ನು ಸ್ಥಾಪಿಸುವ ಯೋಜನೆಗಳಿವೆ. ಸಂದರ್ಶಕರಿಗೆ ವಸತಿ ಮತ್ತು ಬೋರ್ಡಿಂಗ್ ಸೌಲಭ್ಯ ಇಲ್ಲಿ ಉಚಿತವಾಗಿ ಲಭ್ಯವಿದೆ. ಪ್ರವಾಸಿಗರಿಗೆ ಅನುಕೂಲವಾಗುವಂತೆ ಸುಮಾರು 50 ಕೊಠಡಿಗಳನ್ನು ನಿರ್ಮಿಸಲಾಗಿದ್ದು, ಪ್ರತಿದಿನ ಉಪಾಹಾರ ಮತ್ತು ಭೋಜನದ ಸೌಕರ್ಯಗಳು ಇದೆ. ಈ ಸ್ಥಳಕ್ಕೆ ಹುಬ್ಬಳ್ಳಿ ಓಲ್ಡ್ ಬಸ್ ಟರ್ಮಿನಸ್ ನಿಂದ ಬಸ್ ಸೇವೆ ಲಭ್ಯವಿದೆ. ನವಗ್ರಹ ತೀರ್ಥದಲ್ಲಿ ಕೋರಿಕೆಯ ಮೇರೆಗೆ ದೂರದ-ಬಸ್ಸುಗಳು ನಿಲ್ಲುತ್ತವೆ. ಆಟೋ-ರಿಕ್ಷಾಗಳು ನಗರದಿಂದ ಲಭ್ಯವಿದೆ ಮತ್ತು ಪ್ರವಾಸಕ್ಕೆ 150-200 ರೂ ವೆಚ್ಚ

ಇತರ ಮಾಹಿತಿ

ಸ್ವಾಮೀಜಿಗಳು "ತೀರ್ಥ ಕುಂಡಗಳು" ಮತ್ತು ಇತರ ರಚನೆಗಳನ್ನು ನಿರ್ಮಿಸುವ ಯೋಜನೆಯನ್ನು ಹೊಂದಿದ್ದು ಅದು ಈ ಸ್ಥಳವನ್ನು ಜೈನರಿಗೆ ಪ್ರಮುಖ ಯಾತ್ರಾ ಕೇಂದ್ರವಾಗಿ ಪರಿವರ್ತಿಸುತ್ತದೆ. ಮಹಾಮಸ್ತಕಾಭಿಷೇಕವನ್ನು ಹನ್ನೆರಡು ವರ್ಷಗಳಿಗೊಮ್ಮೆ ಶ್ರವಣಬೆಳಗೋಳದಲ್ಲಿ ನಡೆಸಲಾಗಿದ್ದರೆ, ಒಂಬತ್ತು ವರ್ಷಗಳ ನಂತರ, ಒಂಬತ್ತು ತಿಂಗಳು ಮತ್ತು ಒಂಬತ್ತು ದಿನಗಳ ನಂತರ ವರೂರಿನ ನವಗ್ರಹ ತೀರ್ಥದಲ್ಲಿ ಇದನ್ನು ನಡೆಸಲಾಗುವುದು. ಆಚಾರ್ಯ ಗುಣಧರನಂದಿ ಮಹಾರಾಜರ ಹೆಸರಿನಲ್ಲಿ ಇರುವ ಪ್ರಾಥಮಿಕ ಪೂರ್ವಶಾಲೆ, ಹಿರಿಯ ಪ್ರಾಥಮಿಕ ಶಾಲೆ, ವಸತಿ ಪ್ರೌಢ ಶಾಲೆಗಳ ಜೊತೆಗೆ ಪದವಿ ಪೂರ್ವ ಮಹಾವಿದ್ಯಾಲಯ, ತಾಂತ್ರಿಕ ಹಾಗು ಅಭಿಯಂತ್ರಿಕ ಮಹಾವಿದ್ಯಾಲಯ ಮುಂತಾದವು ಸ್ವಾಮೀಜಿಯವರ ಶಿಕ್ಷಣ ಸಂಸ್ಥೆಗಳು. ಐಟಿಐ, ಡಿಪ್ಲೋಮಾ, ಎಂಜಿನಿಯರಿಂಗ್‌ ಕಾಲೇಜುಗಳನ್ನು ಕ್ಷೇತ್ರದಲ್ಲಿ ಪ್ರಾರಂಭಿಸಿರುವ ಮುನಿಗಳು, ಕ್ಷೇತ್ರದಲ್ಲಿ ಎಂ.ಬಿ.ಬಿಎಸ್‌ ಕಾಲೇಜು ಪ್ರಾರಂಭಿಸುವ ಗುರಿ ಇದೆ. ಈ ಸಂಸ್ಥೆಗಳ ಮೇಲ್ವಿಚಾರಣೆಗೆ " ಶ್ರೀ ಧರ್ಮಸೇನ ಮಹಾ ಸ್ವಾಮೀಜಿ, ಜೈನ ಮಠ, ನವಗ್ರಹ ತೀರ್ಥ "ವನ್ನು ಸ್ಥಾಪಿಸಲಾಯಿತು. ಸ್ವಸ್ತಿ ಶ್ರೀ ಧರ್ಮಸೇನ ಭಟ್ಟಾರಕ ಪಟ್ಟಾಚಾರ್ಯ ಮಹಾ ಸ್ವಾಮೀಜಿ ಅವರೆ ನಿಯೋಜಿಸುತಿದ್ದಾರೆ. ಈ ಮಠವು ಶ್ರೀ ಕ್ಷೇತ್ರ ಅಮ್ಮಿನಬಾವಿ - ವರೂರು, ಶಾಖಾ ಜೈನಮಠ ಎಂದು ಕರಿಯಲ್ಪಡುತ್ತಿದೆ.

ಉಲ್ಲೇಖಗಳು

<r>https://en.m.wikipedia.org/wiki/Navagraha_Jain_Temple</r>

<r>https://www.newindianexpress.com/cities/bengaluru/2010/apr/23/pilgrims-progress-149582.html</r>