António Maria Mourinho
| Biografía | |
|---|---|
| Nacemento | 14 de febreiro de 1917  Sendim, Portugal |
| Morte | 13 de xullo de 1996 (79 anos) Lisboa, Portugal |
| Datos persoais | |
| País de nacionalidade | Portugal |
| Educación | Universidade do Porto |
| Actividade | |
| Ocupación | etnógrafo , etnólogo , arqueólogo |
| Lingua | Lingua mirandesa e lingua portuguesa |
Premios | |
 | |
António Maria Mourinho, nado en Sendim o 14 de febreiro de 1917 e finado en Lisboa o 13 de xullo de 1996, foi un etnógrafo, etnólogo e arqueólogo portugués.
Traxectoria[editar | editar a fonte]
António Mourinho estudou no Seminairo Maior de Braganza en 1941, e fíxose reitor da freguesía mirandesa de Duas Igrejas en 1942. Entre 1960 e 1970, estudou en España no Instituto de Alta Cultura, da Dirección Xeral do Patrimonio Cultural e do Consello Nacional de Investigacións Científicas de Madrid. Entre 1970 e 1975, estudou na Facultade de Letras da Universidade do Porto e graduouse en ciencias históricas e xeográficas, e tamén asistiu á Universidade de Valladolid entre 1984 e 1985, onde se graduou en museoloxía. Contribuíu na fundación do Museo da Terra de Miranda, do que foi director entre 1982 e 1991.[1] En 1995, axudou a elaborar a Cumbençon Ourtográfica de la Lhéngua Mirandesa.
Foi nomeado Oficial da Orde Militar de Cristo en 1943, recibiu a Medalla de Mérito Turístico en 1979 e o Premio Europeo de Arte Popular en 1982. Tamén obtivo o título de Cidadán Honorario e recibiu a Medalla de Honra de Miranda do Douro en 1991.[2]
Obras[editar | editar a fonte]
- Coreografia Popular Transmontana (1953)
- Malha do Cereal na Cardenha e Coro dos Malhadores (1955)
- Teatro Rural em Trás-os-Montes (1956)
- Diversidades Subdialetais do Mirandês (1960)
- Nuossa Alma i Nuossa Tierra (1961)
- Scoba Frolida an Agosto: Lienda de Nuossa Senhora de l Monte de Dues Eigreijas (1983)
- Grupo Folclórico Mirandês de Duas Igrejas (1983)
- Cancioneiro Tradicional e Danças Populares Mirandesas (1984)
- Epigrafia Latina aparecida entre Sabor e Douro desde o Falecimento do Abade de Baçal: 1947 (1988)
- Terra de Miranda: Coisas e Factos da Nossa Vida e da Nossa Alma Popular (1991)
- Guerra dos Sete Anos ou Guerra do Mirandum (1994)
- Curriculum Vitae: Notas Culturais (1995)
Notas[editar | editar a fonte]
- ↑ "António Maria Mourinho". Arquivado dende o orixinal o 29 de outubro de 2016. Consultado o 4 de febreiro de 2018.
- ↑ "Antigos Estudantes Ilustres da Universidade do Porto". Consultado o 4 de febreiro de 2018.
